રાજકોટ: ગોંડલથી એક મોટી દુર્ઘટનાના સમાચાર સામે આવ્યા છે. જેમાં શહેરના ગરબી ચોક પાસે આવેલા એક મકાનનું રિનોવેશનનું કામ ચાલી રહ્યું હતું, તે દરમિયાન અચાનક અગમ્ય કારણોસર મકાન ધરાશાયી થઈ ગયું છે. આ દુર્ઘટનામાં મકાન નીચે ત્રણ લોકો દટાયા હોવાની પ્રાથમિક માહિતી સામે આવી છે. દટાઈ ગયેલા લોકોમાં એક પુરૂષ અને બે મહિલાઓ સામેલ છે. ઘટનાની જાણ થતાં ફાયર બ્રિગેડની ટીમ ઘટનાસ્થળે પહોંચી ગઇ છે અને કાટમાળ નીચે દબાયેલા લોકોને બહાર કાઢવાની કામગીરી શરૂ કરી છે.
Rajkot, Gujarat: A two-story house collapsed in Sahjanand Nagar, Gondal, during renovation, between 7:00 and 8:00 AM. Three people, including one man and two women, are suspected to be trapped under the debris. Rescue operations are underway pic.twitter.com/yMpOLp4K9H
— IANS (@ians_india) February 20, 2025
હાલમાં ફાયર વિભાગની ટીમ જે.સી.બી. મશીનની મદદથી કાટમાળ ખસેડીને દટાયેલા લોકોને બહાર કાઢવાની કામગીરી કરી રહી છે. આ દુર્ઘટનામાં હજુ એક પુરૂષ અને એક મહિલા કાટમાળ નીચે દટાયેલા છે. જ્યારે એક વૃદ્ધાને બહાર કાઢી લેવામાં આવ્યા છે. ઘટનાની જાણ થતાં આસપાસમાંથી મોટી સંખ્યામાં લોકો દોડી આવ્યા હતા. સ્થાનિક ધારાસભ્ય પણ ઘટનાસ્થળે પહોંચી ગયા છે અને બચાવ કામગીરીનું નિરીક્ષણ કરી રહ્યા છે.
