લોકડાઉન માટે આ રીતે મેળવી શકાય E-પાસ

મુંબઈઃ સમગ્ર દેશમાં 3 મે સુધી સંપૂર્ણ કોરોના લોકડાઉન લાગુ છે. કોરોના વાઈરસ રોગચાળો ફેલાય નહીં એટલા માટે કેન્દ્ર સરકારે લોકડાઉનને લંબાવ્યું છે. આ સમયગાળા દરમિયાન સરકારે લોકોની બિનજરૂરી હરફર ઉપર કડક નિયંત્રણો લાદ્યા છે. માત્ર એવા લોકોને જ પ્રવાસ કરવાની પરવાનગી આપવામાં આવી છે જેઓ આવશ્યક સેવાઓમાં કામ કરતા હોય.

તે છતાં આવશ્યક સેવાઓ પૂરી પાડતા ઉદ્યોગો અને તાકીદની જરૂર માટે ઘરની બહાર નીકળતા સામાન્ય લોકોને કોઈ તકલીફ ભોગવવી ન પડે એટલા માટે અનેક રાજ્યો અને કેન્દ્રશાસિત પ્રદેશો E-પાસ અથવા ‘મૂવમેન્ટ પાસ’ આપી રહ્યા છે જે ઓનલાઈન મેળવી શકાય છે.

 

ઈ-પાસ વિશેની જાણકારી મેળવી લો અને ઓનલાઈન એને માટે તમે કેવી રીતે અરજી કરી શકો એ જાણોઃ

મહારાષ્ટ્રમાં ઈ-પાસ માટે અરજી કરવા માટે આ લિન્ક પર ક્લિક કરોઃ https://covid19.mhpolice.in

  • ‘Apply here for E-pass’ બટન પર ક્લિક કરો
  • સૂચના મુજબની વિગતો ભરી દો
  • પૂછવામાં આવે તે આવશ્યક દસ્તાવેજો અપલોડ કરો
  • મહારાષ્ટ્ર ઈ-પાસ વેબસાઈટ અરજી સાથે ફોટો આઈડી પ્રૂફ, કાયદેસર સંસ્થાકીય દસ્તાવેજો, મેડિકલ રિપોર્ટ અને કંપની આઈડી જોડવાના હોય છે.
  • તમે અરજીને સબમીટ કરો એ પછી સ્થાનિક પોલીસ એનો અભ્યાસ કરશે અને ત્યારબાદ તમને ઈ-પાસ ઈસ્યૂ કરવામાં આવશે.
  • ધારો કે તમારી અરજી અટકી જાય તો તમે સ્થાનિક પોલીસ સ્ટેશનમાં જઈને સંપર્ક કરી શકો છો અને બાબતનો ઉકેલ લાવી શકો છો.

તમે તમને પૂરા પાડવામાં આવેલા યુનિક આઈડીનો ઉપયોગ કરીને વેબસાઈટ પર લોગઈન કરીને તમારી અરજીનું સ્ટેટસ ચેક કરી શકો છો. ઈ-પાસને તમે વપરાશ માટે પ્રિન્ટ કરાવી શકો છો અને તમે જ્યારે પણ ઘરની બહાર નીકળો ત્યારે તમારી પાસે ઈ-પાસ હોવો જરૂરી છે.

આ વ્યક્તિઓને ઈ-પાસ મળી શકે છેઃ

  • પોલીસ અધિકારીઓ
  • ઈમરજન્સી સેવાઓ માટેના વાહનો
  • અગ્નિ શામક દળના કર્મચારીઓ
  • વીજળી વિભાગના કર્મચારીઓ
  • પાણી પુરવઠા વિભાગના કર્મચારીઓ
  • રેશનિંગ અધિકારીઓ
  • કરિયાણા અને જનરલ સ્ટોર્સવાળા
  • મેડિકલ સ્ટોર્સવાળા
  • હોસ્પિટલોના કર્મચારીઓ
  • બેન્કિંગ ક્ષેત્રના કર્મચારીઓ
  • મિડિયા ક્ષેત્રના કર્મચારીઓ
  • આરોગ્ય સેવાના અધિકારીઓ
[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]