ગાંધીનગરઃ ‘વિશ્વ દિવ્યાંગ દિવસ’ નિમિત્તે બોલીવૂડ અભિનેતા વિવેક ઓબેરોય દિવ્યાંગ લોકોની સહાયતા માટે ગુજરાત સરકારે શરૂ કરેલી એક યોજનામાં સહભાગી થયો છે.
વિવેક અહીં ગુજરાતના મુખ્ય પ્રધાન વિજય રૂપાણીને મળ્યો હતો અને સ્વર્ણિમ સ્ટાર્ટઅપ અને ઈનોવેશન યૂનિવર્સિટી મારફત દિવ્યાંગ લોકો માટે સ્ટાર્ટઅપ ઈનોવેશન શિક્ષણ પદ્ધતિ શરૂ કરવા માટે એમની સાથે વિગતવાર ચર્ચા કરી હતી.
વિજય રૂપાણીની સપોર્ટ અને પ્રોત્સાહન સાથે આ યોજના શરૂ કરવામાં આવી છે. એ માટે એક વિશેષ ઉત્પાદન ઝોનની રચના કરવામાં આવશે જ્યાં એવા ઉત્પાદનો બનાવવામાં આવશે જે દિવ્યાંગ લોકોની જરૂરિયાતોને પૂરી પાડે. દિવ્યાંગ લોકોને આવક પ્રાપ્ત થાય એ ઉદ્દેશ્ય સાથે ખાસ પ્રકારના ઉત્પાદનો બનાવવામાં આવશે, જે તેઓ જ બનાવશે.
