વરુણ, નીતુ કપૂરને કોરોના થયો; ફિલ્મનું શૂટિંગ સ્થગિત

મુંબઈઃ આગામી હિન્દી ફિલ્મ ‘જુગ જુગ જિયો’નું શૂટિંગ સ્થગિત કરી દેવું પડ્યું છે, કારણ કે એના બે કલાકારો – વરુણ ધવન અને નીતુ સિંહ-કપૂરને તેમજ દિગ્દર્શક રાજ મહેતાને કોરોના વાઈરસનો ચેપ લાગ્યો છે. આ સૌ ફિલ્મના આઉટડોર શૂટિંગ માટે થોડા દિવસ પહેલાં ચંડીગઢ ગયા હતા.

ફિલ્મફેર.કોમના અહેવાલ મુજબ, કલાકારો અને દિગ્દર્શકને કોરોના થતાં શૂટિંગ સ્થગિત કરી દેવાયું છે. ફિલ્મના અન્ય બે મુખ્ય કલાકારો – અનિલ કપૂર અને કિયારા અડવાનીનો કોરોના રિપોર્ટ નેગેટિવ આવ્યો છે. યુનિટમાં બીજી કોઈ વ્યક્તિનો કોરોના રિપોર્ટ પોઝિટીવ આવ્યો નથી. નવેમ્બરના બીજા સપ્તાહમાં ચંડીગઢમાં શૂટિંગ શરૂ કરાયું એ પહેલા જ તમામનો કોરોના ટેસ્ટ કરવામાં આવ્યો હતો.

આ ફિલ્મમાં મનીષ પૌલ અને યૂટ્યૂબ પર થયેલી પ્રાજક્તા કોલી પણ છે. આ ફિલ્મ દ્વારા નીતૂ કપૂર ફિલ્મના પડદા પર પુનરાગમન કરશે. સાત વર્ષ પહેલાં એમણે તેમનાં દીકરા રણબીર કપૂરની ફિલ્મ બેશરમમાં એક્ટિંગ કરી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]