મુંબઈઃ બોલિવુડ એક્ટર સલમાન ખાનના જીવનું જોખમ છે. તેને ફરી એક વાર જાનથી મારી નાખવાની ધમકી મળી છે. આ વખતે અજાણ્યા ફોન કરનારે કરોડો રૂપિયાની પણ માગ કરી હતી. જોકે પોલીસે સલમાનને ધમકી આપનાર 20 વર્ષના યુવકની ધરપકડ કરી છે.
Salman Khan.મુંબઈ ટ્રાફિક પોલીસને મેસેજ મળ્યો હતો, જેમાં ચેતવણી આપવામાં આવી હતી કે જો રૂ. બે કરોડનું પેમેન્ટ નહીં કરવામાં આવે તો એક્ટરને મારી નાખવામાં આવશે. પોલીસે અજાણ્યા શખસ સામે ગુનો નોંધી તપાસ શરૂ કરી છે. જોકે એક દિવસ પહેલાં સલમાનને ધમકી આપનાર વ્યક્તિની નોઈડાથી ધરપકડ કરવામાં આવી હતી.
સલમાન ખાનને સતત ધમકીઓ મળી રહી છે. આ પહેલી વાર નથી જ્યારે સલમાન ખાનને જાનથી મારી નાખવાની ધમકી મળી હોય. 18 ઓક્ટોબરે સલમાન ખાનને જાનથી મારી નાખવાની ધમકી મળી હતી, જેમાં આરોપીઓએ ગેંગસ્ટર લોરેન્સ બિશ્નોઈને નામે પાંચ કરોડ રૂપિયાની ખંડણી માગી હતી.
PTI SHORTS | Salman Khan gets fresh death threat with demand for Rs 2cr; cops launch probe
WATCH: https://t.co/mvDXGqdIDO
Subscribe to PTI’s YouTube channel for in-depth reports, exclusive interviews, and special visual stories that take you beyond the headlines. #PTIVideos
— Press Trust of India (@PTI_News) October 30, 2024
મુંબઈ પોલીસે તપાસ કરી ત્યારે તેઓએ જમશેદપુરના એક શાકભાજી વેચનારની ધરપકડ કરી જે સ્માર્ટ બનવાનો પ્રયાસ કરી રહ્યો હતો. પ્રારંભિક ધમકીભર્યા મેસેજમાં દાવો કરવામાં આવ્યો હતો કે જો સલમાન ખંડણીની રકમ નહીં ચૂકવે તો તેનો જીવ જોખમમાં છે
વર્ષ 2022માં પણ સલમાનને તેના ઘરની નજીકની બેંચ પર ધમકીભર્યો પત્ર મળ્યો હતો. માર્ચ, 2023માં સલમાનને કથિત રીતે ગોલ્ડી બ્રાર દ્વારા મોકલવામાં આવેલો ઈમેલ પણ મળ્યો હતો. 2024માં બે અજાણ્યા લોકોએ નકલી ઓળખનો ઉપયોગ કરીને પનવેલમાં તેના ફાર્મહાઉસમાં ઘૂસણખોરી કરવાનો પ્રયાસ કર્યો હતો. આ સિવાય તેમના ઘરની બહાર પણ ફાયરિંગ કરવામાં આવ્યું હતું. જે બાદ એક્ટરની સુરક્ષા વધારી દેવામાં આવી હતી.
