મુંબઈઃ બોલીવુડ અભિનેતા સલમાન ખાનને પડોશના રાયગડ જિલ્લાના પનવેલ શહેરમાં તેના ફાર્મહાઉસમાં ગઈ કાલે રાતે સાપે ડંખ માર્યો હતો. તે ઘટના રાતે લગભગ 3 વાગ્યે બની હતી. એને તરત જ બાજુના નવી મુંબઈના કામોઠે ઉપનગરની હોસ્પિટલમાં લઈ જવામાં આવ્યો હતો. ત્યાં સારવાર અપાયા બાદ એને આજે સવારે લગભગ 9 વાગ્યે હોસ્પિટલમાંથી રજા આપવામાં આવી હતી. તે પોતાના ફાર્મહાઉસ ખાતે પાછો ફર્યો છે.
અહેવાલો અનુસાર, સાપ ઝેરી નહોતો. સલમાનની તબિયત સારી છે.
