રાજકોટ: રેલવે તંત્રએ ઉનાળુ વેકેશન દરમિયાન આજથી રાજકોટ અને મુંબઈ વચ્ચે તેજસ એક્સપ્રેસ શરૂ કરવાનો નિર્ણય કર્યો છે. આ પ્રિમિયમ ટ્રેન મુંબઈથી અમદાવાદ સુધી ચાલી રહી છે ત્યારે તેને સૌરાષ્ટ્ર સુધી લંબાવવાની રજૂઆતો અનેક વખત કરવામાં આવી હતી.
રેલવે સત્તાધીશોએ જણાવ્યું ટ્રેન નંબર 09005 તેજસ એક્સપ્રેસ તારીખ 21 એપ્રિલથી મુંબઈ સેન્ટ્રલથી 23.20 કલાકે ઉપડી રાજકોટ બીજા દિવસે 11.45 કલાકે આવશે. દર સોમવાર, બુધવાર અને શુક્રવારે ઉપડશે. તા. 21 થી 28 મે સુધી આ ટ્રેન ચાલશે.
ટ્રેન નંબર 09006 રાજકોટથી સાંજે 18.30 કલાકે ઉપડી બીજા દિવસે સવારે 7.30 કલાકે મુંબઈ સેન્ટ્રલ પહોંચશે. મંગળવાર , ગુરુવાર અને શનિવાર આ ટ્રેન રાજકોટથી રવાના થશે. તા. 22 થી 29 એપ્રિલ સુધી હાલ આ ટ્રેન ચાલશે. સુરેન્દ્રનગર, અમદાવાદ, આણંદ, વડોદરા થઈને મુંબઈ જશે. આ પ્રીમિયર ટ્રેનનું બુકિંગ શરૂ થઈ ગયું છે. માત્ર ઉનાળા વેકેશન માટે નહી કાયમી ધોરણે આ ટ્રેન ચાલુ રાખવાની લોકોમાં માગણી ઊભી થઈ છે.
(દેવેન્દ્ર જાની-રાજકોટ)
