નવી દિલ્હીઃ વડા પ્રધાન નરેન્દ્ર મોદી 19 નવેમ્બરના રવિવારે આઈસીસી મેન્સ ODI વર્લ્ડ કપ-2023ની ફાઈનલ મેચ જોવા માટે અમદાવાદ જાય એવી ધારણા છે. અમદાવાદના નરેન્દ્ર મોદી સ્ટેડિયમમાં રમાનાર ફાઈનલ મેચમાં રોહિત શર્માની આગેવાની હેઠળની ભારતીય ટીમ પહોંચી ગઈ છે. તેની સામે ઓસ્ટ્રેલિયા અથવા સાઉથ આફ્રિકામાંથી આજની બીજી સેમી ફાઈનલમાં વિજેતા બનનાર ટીમ રમશે.
ભારતીય ટીમ છેલ્લે 2011માં ODI વર્લ્ડ કપની ફાઈનલમાં પ્રવેશી હતી અને તેમાં શ્રીલંકાને હરાવીને ચેમ્પિયન બની હતી. તે વખતે ભારતીય ટીમનો કેપ્ટન મહેન્દ્ર સિંહ ધોની હતો.
