બેંગલુરુઃ ભારત વિરુદ્ધ ન્યુ ઝીલેન્ડની ત્રણ મેચોની ટેસ્ટ સિરીઝની પહેલી ટેસ્ટ એમ. ચિન્નાસ્વામી સ્ટેડિયમમાં રમાઈ રહી છે. ભારતની પહેલી ઇનિંગ્સમાં બીજા દિવસે ટીમનો 46 રનમાં વીંટો વળી ગયો હતો. ભારતના પાંચ બેટર ખાતું પણ નહોતા ખોલી શક્યા. માત્ર બે બેટર દ્વિઅંકી આંકડામાં પહોંચ્યા હતા. પહેલો દિવસ વરસાદને કારણે ખરાબ થયો હતો. 
ભારતે ટોસ જીતીને બેટિંગ લીધી હતી. ભારતનો પ્રારંભ ખરાબ રહ્યો હતો. ભારતે 10 ઓવરમાં 10 રનની અંદર ત્રણ વિકેટ (રોહિત શર્મા, વિરાટ કોહલી અને સરફરાઝ ખાન)ની વિકેટ ગુમાવી હતી. ત્યાર બાદ નિયમિત અંતરાલે વિકેટ પડતી રહી હતી. ભારતે લંચ સુધીમાં 23.5 ઓવરમાં માત્ર 34 રનમાં છ વિકેટ ગુમાવી હતી.
Innings Break!#TeamIndia all out for 46.
Over to our bowlers now! 👍 👍
Match Updates ▶️ https://t.co/8qhNBrrtDF#INDvNZ | @IDFCFIRSTBank pic.twitter.com/GhqcZy2rby
— BCCI (@BCCI) October 17, 2024
ભારતીય ટીમના ટોચના સાતમાંથી ચાર બેટર શૂન્ય પર આઉટ થયા હતા. આ પહેલાં વર્ષ 1952માં ટીમ ઇન્ડિયા ઇંગ્લેન્ડની વિરુદ્ધ હેડિંગ્લેમાં ટોચના સાત બેટર શૂન્ય રને આઉટ થયા હતા. ત્યાર બાદ 2014માં ઇન્ગલેન્ડની વિરુદ્ધ ભારતીટ ટીમના ટોચના સાતમાંથી ચાર બેટર ડક પર આઉટ થયા હતા.
બેંગલુરુમાં આગામી ચાર દિવસ સુધી વાદળછાયું હવામાન રહેવાની અપેક્ષા છે. અગાઉ કાનપુર ટેસ્ટના પ્રથમ 3 દિવસ વરસાદથી પ્રભાવિત થયા હતા.
બન્ને ટીમની સંભવિત પ્લેઇંગ-11 ભારત (IND): રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, રિષભ પંત (વિકેટકીપર), કેએલ રાહુલ, રવીન્દ્ર જાડેજા, આર અશ્વિન, કુલદીપ યાદવ, જસપ્રીત બુમરાહ અને આકાશ દીપ.ન્યુ ઝીલેન્ડ (NZ): ટોમ લેથમ (કેપ્ટન), ડેવોન કોનવે, વિલ યંગ, રચિન રવીન્દ્ર, ડેરીલ મિચેલ, ટોમ બ્લંડેલ (વિકેટકીપર), ગ્લેન ફિલિપ્સ, મિચેલ સેન્ટનર/માઇકલ બ્રેસવેલ, ટિમ સાઉથી, એજાઝ પટેલ અને વિલિયમ ઓરર્કે.
