મુંબઈઃ મહેન્દ્રસિંહ ધોની દુનિયાભરમાં લોકપ્રિય થયેલા ભારતીય ક્રિકેટરોમાંનો એક છે. સોશિયલ મીડિયા પ્લેટફોર્મ્સ પર એના અઢળક ફોલોઅર્સ છે. કેપ્ટન કૂલ તરીકે જાણીતો થયેલો ધોની હાલ એની નવી હેરસ્ટાઈલને કારણે ચમક્યો છે. મુંબઈના જાણીતા સેલિબ્રિટી હેરસ્ટાઈલિસ્ટ આલિમ હકીમે એની આ નવી હેરસ્ટાઈલ બનાવી છે. તેની તસવીરો હકીમે પોતાના ઈન્સ્ટાગ્રામ પર શેર કરી એ સાથે જ ઈન્ટરનેટ પર વાઈરલ થઈ છે.
(તસવીર સૌજન્યઃ આલિમ હકીમ ઈન્સ્ટાગ્રામ)
ધોનીએ જ્યારે આંતરરાષ્ટ્રીય ક્રિકેટના પ્રવેશ કર્યો હતો ત્યારે માથાના લાંબા વાળ રાખતો હતો. તેની એ હેરસ્ટાઈલના પાકિસ્તાનના તે વખતના લશ્કરી વડા-પ્રમુખ પરવેઝ મુશર્રફે પણ વખાણ કર્યા હતા. ધોનીએ બાદમાં 2007માં પહેલી વાર તેની હેરસ્ટાઈલ બદલી હતી. હવે આલિમ હકીમે એને જે નવી હેરસ્ટાઈલ કરી આપી છે તે ઈન્ટરેસ્ટિંગ છે.
ધોનીની આ હેરસ્ટાઈલનાં ભરપૂર વખાણ થઈ રહ્યા છે. બોલીવુડના અનેક સિતારાઓને તે ગમી છે અને એમણે ધોનીને બિરદાવ્યો છે. આમાં અનિલ કપૂર, અરમાન મલિક, અપારશક્તિ ખુરાનાનો સમાવેશ થાય છે.
![](https://chitralekha.com/chitralemag/wp-content/themes/Newspaper/images/whatsapp-channel-follow.png)