રાજ્યમાં હવામાન વિભાગની આગાહી પ્રમાણે વરસાદની ધમાકેદાર બેટિંગ જોવા મળી રહી છે. આજે વહેલી સવારથી સુરત સહિત દ.ગુજરાતમાં તેમજ સૌરાષ્ટ્રમાં વરસાદી માહોલ જામ્યો છે. ગઈકાલે પણ રાજ્યમાં ધોધમાર વરસાદ વરસ્યો હતો. સવારે 6 વાગ્યાથી સાંજે 4 વાગ્યા સુધીમાં રાજ્યના 100 તાલુકામાં વરસાદ વરસ્યો હતો.
હવામાન વિભાગે 5 જિલ્લામાં ઓરેન્જ તેમજ અન્ય જિલ્લામાં વરસાદનું યલો એલર્ટ આપ્યું છે. હવામાન વિભાગની આગાહીને લઈને અમરેલીમાં NDRF ટીમ તૈનાત કરવામાં આવી છે. ચોમાસાની આફત જનક પરિસ્થીનતીને પહોંચી વળવા આગમ ચેતીના ભાગ રૂપે તંત્ર સજ્જ બન્યું છે.આ ઉપરાંત રાજ્યમાં અલગ અલગ જગ્યા પર NDRF ની 8 ટીમે તૈનાત કરવામાં આછે. આજે સવારથી ગુજરાતમાં કેટલાક વિસ્તારમાં સામાન્યથી ભારે વરસાદ નોઁધવાવામાં આવ્યો છે. આણંદ સહિત જિલ્લામાં બે દિવસના વિરામ બાદ હાલ ગાજવીજ સાથે વરસાદ શરૂ થયો છે. વરસાદ સાથે ભારે પવન ફૂંકાતા વાતાવરણમાં ઠંડક પ્રસરી જવા પામી છે. તો બીજી બાજું આજે સવારથી નવસારી જિલ્લા સહિત ત્રણ તાલુકામાં એક-એક ઇંચ વરસાદ નોંધાયો.
બોટાદમાં સવારથી સાંબેલાની ધારે ધોધમાર વરસાદ પડતાં શહેરનાં કેટલાક વિસ્તારમાં વરસાદી પાણી ભરાયા હતા. પાણી ભરાયા જતા સ્થાનિકોમાં મુશ્કેલીનો માહોલ જોવા મળ્યો. તો આજે બપોરે અમદાવાદના શહેર કેટલાક ભાગોમાં વરસાદી ઝાપટા પડ્યા છે. બગદાણા આસપાસના વિસ્તારમાં સવારથી જ જોરદાર વરસાદ નોંધાયો હતો. બગદાણા, મોણપર, દેગવડાં, જાંબુડા, ખારી, ગળથર, વાઘ વદરડા, શેત્રણા સહિતના વિસ્તારોમાં સારી માત્રામાં વરસાદ વરસી રહ્યો છે. ભરૂચમાં બપોરના 12 વાગ્યાના અરસામાં વાદળ છાયા વાતાવરણમાં ઝરમર ઝરમર વરસાદ વરસવાનો શરૂ થયો હતો. બોટાદ શહેર અને જિલ્લામાં વરસાદી માહોલ જામ્યો છે. ત્યારે બોટાદ શહેરમાં પણ સાંબેલાની ધારે વરસાદ પડતાં શહેરનાં તમામ રસ્તાઓ પર પાણી ભરાયા છે. શહેરનાં ગઢડા રોડપર, જ્યોતિગ્રામ સર્કલ, મહિલા કોલેજ, ભાવનગર રોડ સહિતના રસ્તાઓ પર પાણી ભરાતા વાહનચાલકોને મુશ્કેલ પડી રહી છે. તો બીજી તરફ સિઝનનો સારો વરસાદ થતાં શહેરીજનોઅને ખેડૂતોમાં આનંદ જોવા મળી રહ્યો છે.
