નવી દિલ્હીઃ બોલીવૂડ એક્ટ્રેસ ક્રિતી સેનન માટે આજનો દિવસ ખાસ છે. એક્ટ્રેસને દેશનાં રાષ્ટ્રપતિ દ્રોપદી મુર્મુને હસ્તે નેશનલ ફિલ્મ એવોર્ડ્સમાં બેસ્ટ એક્ટ્રેસનો એવોર્ડ મળ્યો હતો. આવામાં ક્રિતીના આનંદની કોઈ સીમા નહોતી. ફિલ્મ ‘મિમી’ માટે એક્ટ્રેસને બેસ્ટ એક્ટ્રેસનો એવોર્ડ મળ્યો હતો. આ ફિલ્મ ક્રિતીએ એક સરોગેટ મધરની ભૂમિકા ભજવી હતા. જેની લોકોએ ઘણો પસંદ કર્યો હતો.
દેશનાં રાષ્ટ્રપતિના હસ્તે એવોર્ડ મળ્યા પછી ક્રિતી સેનને તેના ઇન્સ્ટાગ્રામ પર એક ખાસ પોસ્ટ લખી હતી. તેણે તેના ફેન્સની સાથે ખુશી શેર કરી હતી. કૃતિએ તેના માતા-પિતાની સાથે બે ફોટો પણ શેર કર્યા હતા. આ ફોટોમાં એક્ટ્રેસ તેની માતાના ખોળામાં બેઠી છે અને સિલ્વર કમળ ફ્લોન્ટ કરી રહી છે. જ્યારે બીજા ફોટોમાં તે પિતાને પ્રશસ્તિ પત્ર બતાવી રહી છે. બીજા ફોટોમાં ક્રિતીને તેના પિતા વહાલ વરસાવતા દેખાઈ રહ્યા છે.
તેણે આ ફોટો તો શેર કર્યા છે, પણ એ દરમ્યાન તે તેની બહેન નૂપુર સેનનને ઘણી મિસ કરી હતી. આ ફોટો સાથે ક્રિતીએ કેપ્શનમાં લખ્યું છે- આ અહેસાસને શબ્દોમાં વર્ણવી શકાય તેમ નથી. આજનો દિવસ મારા માટે જિંદગીના સૌથી યાદગાર દિવસોમાંનો એક રહેશે. આ સિવાય ક્રિતીએ રાષ્ટ્રપતિ પાસેથી એવોર્ડ લેતા ફોટો ને વિડિયો શેર કર્યા હતા. ક્રિતી સેનન તેના માતાપિતા સાથે એવોર્ડ લેવા પહોંચી હતી. ત્યારે તેણે વ્હાઇટ સિલ્કની સાડી પહેરી હતી. તે ઘણી ખૂબસૂરત લાગતી હતી.
