મુંબઈઃ દિગ્દર્શક રોહિત શેટ્ટીએ જાહેરાત કરી છે કે એમની ‘સિંઘમ અગેન’ ફિલ્મમાં દીપિકા પદુકોણ હશે હિરોઈન. તે મહિલા પોલીસ ઈન્સ્પેક્ટર ‘લેડી સિંઘમ’નો રોલ કરશે. દીપિકા આ પહેલી જ વાર કોઈ ફિલ્મમાં મહિલા પોલીસનાં રોલમાં જોવા મળશે. રોહિત શેટ્ટી આ પહેલાં દીપિકા સાથે ‘ચેન્નાઈ એક્સપ્રેસ’ બનાવી ચૂક્યા છે. શેટ્ટીની ‘સિંઘમ’ ફિલ્મમાં હિરો અજય દેવગન હતો અને ‘સિંઘમ અગેન’માં એ જ હિરો રહેશે.
‘સિંઘમ અગેન’માં લેડી કોપનાં રોલમાં દીપિકાની પસંદગીની જાહેરાત કરવા સાથે શેટ્ટીએ કહ્યું છે કે, ‘દીપિકા મારી કોપ યૂનિવર્સની બોમ્બ છે. અમે આવતા વર્ષે આ ફિલ્મ પર કામ શરૂ કરીશું.’
