મુંબઈઃ વૈશ્વિક ક્રીપ્ટોકરન્સી માર્કેટમાં પ્રોફિટ બુકિંગને લીધે ગુરુવારે ઘટાડો નોંધાયો હતો. 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બપોરે ચાર વાગ્યે પૂરા થયેલા ચોવીસ કલાકમાં 0.87 ટકા (311 પોઇન્ટ) ઘટીને 35,479 પોઇન્ટ બંધ રહ્યો હતો. ઇન્ડેક્સ 35,790 ખૂલીને 35,813ની ઉપલી અને 35,263 પોઇન્ટની નીચલી સપાટીએ ગયો હતો. ઇન્ડેક્સના ઘટક કોઇનમાંથી સોલાના, પોલકાડોટ, યુનિસ્વોપ અને અવાલાંશ 1થી 4 ટકાની રેન્જમાં ઘટ્યા હતા.
દરમિયાન, ભારતની નોંધપાત્ર ઘટનામાં નેશનલ પેમેન્ટ્સ કોર્પોરેશન ઓફ ઇન્ડિયા ફાલ્કન નામનો પ્રોજેક્ટ લોન્ચ કરવાની છે. બ્લોકચેઇન આધારિત પેમેન્ટ સોલ્યુશન વિકસાવવામાં ડેવલપરોને મદદરૂપ થવાનો આ પ્રોજેક્ટનો ઉદ્દેશ્ય છે.
જમૈકાથી પ્રાપ્ત અહેવાલ અનુસાર દેશમાં ટેક્સી અને બસના ચાલકો સેન્ટ્રલ બેન્ક ડિજિટલ કરન્સી (સીબીડીસી)નો ઉપયોગ કરવા તત્પર છે. તેઓ એના લાભ મેળવવા માગે છે.
