અમદાવાદ: ઇન્ડિયન ફાર્મર્સ ફર્ટિલાઇઝર કો-ઓપરેટિવ લિમિટેડ(ઇફ્કો)ના ડિરેક્ટર પદની ચૂંટણીમાં સૌરાષ્ટ્રના સહકારી નેતા જયેશ રાદડિયાની જીત થઈ છે. જયેશ રાદડિયાને આ ચૂંટણીમાં 114 મત મળ્યા છે. તેમણે ભાજપના જ સત્તાવાર ઉમેદવાર બિપીન પટેલ ગોતાને હરાવ્યા છે. ભાજપના આ બંન્ને નેતાઓ ઈફ્કોમાં ડિરેક્ટરના પદ માટે એકમત ન થતા ચૂંટણી યોજાઈ હતી. ભાજપે બિપીન પટેલ ગોતાને મેન્ડેટ આપ્યો હતો. પરંતુ ભાજપના ધારાસભ્ય જયેશ રાદડિયાએ પાર્ટીના મેન્ડેટની ઉપરવટ જઇ દાવેદારી નોંધાવી ચૂંટણીમાં જંપલાવ્યુ હતું. 
ચૂંટણીમાં કુલ 182 મતદારો હતા, પરંતુ તેમાંથી 180 મત પડ્યા છે. આ 180 મતમાંથી જયેશ રાદડિયાને 114 મત, જ્યારે હરીફ બીપિન પટેલ ગોતાને 66 મત જ મળ્યા છે.
