મેઘરાજાની ધૂંઆધાર બેટિંગ, દક્ષિણ ગુજરાત પાણીપાણી

0
618

ગાંધીનગર- મેઘરાજાએ પહેલાં વરસાદમાં દક્ષિણ ગુજરાતમાં ધૂંઆધાર બેટિંગ કરી છે. છેલ્લાં ચોવીસ કલાક દરમિયાન દક્ષિણ ગુજરાતમાં સાર્વત્રિક વરસાદ થયો છે. તેમ જ રાજયના ૬૫ તાલુકાઓમાં નોંધપાત્ર વરસાદ થયો છે.રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તા. ૨૬ જૂનને સવારે ૭ કલાકે પૂરા થતા ચોવીસ કલાક દરમિયાન વલસાડ જિલ્લાના કપરાડા તાલુકામાં ૨૯૪ મી.મી. એટલે કે બાર ઈંચ જેટલો, વલસાડ તાલુકામાં ૨૮૮ મી.મી. એટલે કે અગિયાર ઈંચ, વાપીમાં ૨૫૧ મી.મી. એટલે કે દસ ઈંચ, ડાંગ જિલ્લાના વઘઈમાં ૨૨૪ મી.મી. એટલે કે નવ ઈંચ અને અરવલ્લી જિલ્લાના ધનસુરામાં ૨૦૯ મી.મી. એટલે કે આઠ ઈંચ જેટલો વરસાદ વરસ્યો છે.વડોદરા તાલુકામાં ૧૭૫ મી.મી., નેત્રંગમાં ૧૮૧ મી.મી., ડોલવણમાં ૧૭૧ મી.મી., માંગરોળમાં ૧૭૪ મી.મી. મળી કુલ ચાર તાલુકામાં સાત ઈંચ, ચીખલી તાલુકામાં ૧૫૨ મી.મી. અને ખેરગામમાં ૧૬૮ મી.મી. મળી કુલ બે તાલુકામાં છ ઈંચ, વાલિયામાં ૧૩૬ મી.મી., ઉમરપાડામાં ૧૩૦ મી.મી., વાંસદામાં ૧૨૫ મી.મી. મળી કુલ ૩ તાલુકામાં પાંચ ઈંચથી વધુ અને વિજયનગર તાલુકામાં ૧૧૦ મી.મી., કપડવંજમાં ૧૦૬ મી.મી., વાલોડમાં ૧૦૬ મી.મી., કામરેજમાં ૧૦૫ મી.મી. મળી કુલ ચાર તાલુકામાં ચાર ઈંચથી વધુ વરસાદ વરસ્યો છે.આ ઉપરાંત ભીલોડામાં ૮૭ મી.મી., કરજણમાં ૮૩ મી.મી., વાઘોડિયામાં ૭૬ મી.મી., અંકલેશ્વરમાં ૮૮ મી.મી. મળી કુલ ચાર તાલુકામાં ત્રણ ઈંચથી વધુ અને હિંમતનગર તાલુકામાં ૬૯ મી.મી., પોશીનામાં ૬૯ મી.મી., ગળતેશ્વરમાં ૫૯ મી.મી., આણંદમાં ૫૯ મી.મી., જેતપુર-પાવીમાં ૫૨ મી.મી., કલોલમાં ૬૧ મી.મી., ધાનપુરમાં ૫૧ મી.મી.,લીમખેડામાં ૭૩ મી.મી., તીલકવાડામાં ૫૨ મી.મી., ડેડીયાપાડામાં ૬૬ મી.મી., વઘઈમાં ૫૨ મી.મી., મહુવામાં ૭૧ મી.મી., ગણદેવીમાં ૫૮ મી.મી. મળી કુલ ૧૩ તાલુકામાં બે ઈંચથી વધુ જયારે અન્ય ૩૦ તાલુકામાં એક ઈંચથી વધુ વરસાદ વરસ્યો છે.રાજપારડી નજીક ખાડીનું નાળું તૂટયું હતું. જેમાં 17 મુસાફિર સહિત સરકારી બસ નાળામાં ઉતરી હતી. આ સમયે રાજપારડી પોલિલે સહાસ દાખવી તમામ મુસાફરોને પાણીમાં ઉતરી એક પછી એક બચાવ્યાં હતાં. જેને લઇને સરકારી બસના મુસાફરોને જીવના જોખમે બચાવનારા પોલીસ જવાનોને યોગ્યસ્તરે સન્માનિત કરવાની જાહેરાત જિલ્લા પોલિસવડા સંદીપ સિંઘ દ્વારા કરવામાં આવી હતી.