ફેબ્રુઆરી 2024માં ભારતીય ક્રિકેટર વિરાટ કોહલી અને બોલિવૂડ અભિનેત્રી અનુષ્કા શર્માના ઘરે દીકરાનો જન્મ થયો. આ સેલિબ્રિટી કપલે એમના બીજા બાળકનું નામ ‘અકાય’ રાખ્યું છે. વિરાટ અને અનુષ્કાએ એમના પુત્રના નામની જાહેરાત કરતા જ તે સોશિયલ મીડિયા પર ચર્ચાનો વિષય બની ગયો હતો. આ અનોખા નામનો અર્થ જાણવા માટે લોકોમાં જબરદસ્ત ઉત્સુકતા હતી, આ જ કારણ હતું કે ‘અકાય’ને ગૂગલના ‘યર ઇન સર્ચ 2024’ની યાદીમાં સ્થાન મળ્યું.
શું છે ‘અકાય’નો અર્થ?
‘અકાય’ એક હિન્દી શબ્દ છે જેનું મૂળ ટર્કિશ છે. સંસ્કૃતમાં એનો અર્થ થાય છે “શરીર કે સ્વરૂપ વગર.” આ શબ્દ ‘કાયા’ પરથી આવ્યો છે, જેનો અર્થ શરીર થાય છે. આ અનોખા અર્થથી લોકોની ઉત્સુકતા વધી અને Google પર ‘Akay’ સર્ચ રેકોર્ડ સ્તરે પહોંચ્યું.
આ કીવર્ડ્સનો કર્યો ઉપયોગ
Google Trends અનુસાર, લોકોએ ‘Akay’ સંબંધિત ઘણા કીવર્ડ્સ સર્ચ કર્યા. જેમાં અકાય મીનિંગ હિન્દી, અકાય મીનિંગ ઈન હિન્દી, અકાય ઈન હિન્દી, મીનિંગ ઓફ અકાય, કોહલીનો સમાવેશ થાય છે. લોકોએ આ કીવર્ડ્સનો ઉપયોગ કરીને ખૂબ અકાયનો અર્થ શોધ્યો.
ગૂગલ સર્ચમાં ‘અકાય’..
ગૂગલના ‘યર ઇન સર્ચ 2024’માં ‘અકાય’ને ‘મીનિંગ’ કેટેગરીમાં બીજું સ્થાન મળ્યું છે. આ કેટેગરીમાં પ્રથમ સ્થાન “ઓલ આઈઝ ઓન રાફા” ને મળ્યું. ‘મીનિંગ’ કેટેગરીમાં ટોચના દસ ગુગલ સર્ચનો સમાવેશ થાય છે. જેમાં ઓલ આઈઝ ઓન રાફા, અકાય, સર્વાઈકલ કેન્સર, તવાયફ, ડેમોર, પૂકી, સ્ટૈમ્પીડ, મોયે મોયે, કાન્સક્રેશન અને ગુડ ફ્રાઈડેનો સમાવેશ થાય છે.
સ્પોર્ટ્સ સંબંધિત ટોચના સર્ચ કીવર્ડ્સ
ભારતમાં એકંદરે, ઈન્ડિયન પ્રીમિયર લીગ, T20 વર્લ્ડ કપ, ઓલિમ્પિક્સ 2024, પ્રો કબડ્ડી લીગ અને ઈન્ડિયન સુપર લીગ ગૂગલ પર સૌથી વધુ સર્ચ કરવામાં આવી હતી. વિનેશ ફોગાટ, હાર્દિક પંડ્યા, શશાંક સિંહ, અભિષેક શર્મા અને લક્ષ્ય સેન ભારતમાં સૌથી વધુ સર્ચ કરાયેલા ભારતીય હતા.
ભારતીયોએ આ મેચોને ગૂગલ પર સૌથી વધુ સર્ચ કરી
ભારત વર્સિસ ઇંગ્લેન્ડ, ભારત વર્સિસ બાંગ્લાદેશ, ભારત વર્સિસ ઝિમ્બાબ્વે, શ્રીલંકા વર્સિસ ભારત, ભારત વર્સિસ અફઘાનિસ્તાન, ભારત વર્સિસ દક્ષિણ આફ્રિકા, ભારત વર્સિસ પાકિસ્તાન, પાકિસ્તાન વર્સિસ ઇંગ્લેન્ડ, રોયલ ચેલેન્જર્સ વર્સિસ સુપર કિંગ્સ અને ચેન્નાઇ સુપર કિંગ્સ વર્સિસ પંજાબ કિંગ્સ.
