શ્રીનગરઃ નેશનલ કોન્ફરન્સના અધ્યક્ષ ફારુક અબદુલ્લાએ એલાન કર્યું છે કે જમ્મુ-કાશ્મીરમાં તેમના પુત્ર ઉમર અબદુલ્લા CM બનશે. કેન્દ્ર શાસિત પ્રદેશમાં ત્રણ તબક્કામાં થયેલી વિધાનસભા ચૂંટણીના મતોની ગણતરી થઈ રહી છે. ચૂંટણી પરિણામોમાં ગઠબંધનમાં 90 વિધાનસભા સીટોમાં 51 સીટો પર આગળ ચાલી રહી છે.
જમ્મુ અને કાશ્મીર વિધાનસભા ચૂંટણીના વલણો પ્રમાણે નેશનલ કોન્ફરન્સ (NC) અને કોંગ્રેસ ગઠબંધનની સરકાર બનવા તરફ છે. જમ્મુ કાશ્મીરમાં ગઠબંધન 51 સીટો પર આગળ છે. નેશનલ કોન્ફરન્સ 41 સીટો પર આગળ છે જ્યારે કોંગ્રેસ પાંચ સીટો પર આગળ છે. જમ્મુ-કાશ્મીરનાં ચૂંટણી પરિણામોના વલણો બાદ ફારુક અબદુલ્લાએ કહ્યું હતું કે ઓમર અબ્દુલ્લા જમ્મુ-કાશ્મીરના આગામી CM હશે. લોકોએ જનાદેશ આપ્યો છે.
VIDEO | Jammu and Kashmir Election 2024: JKNC President Farooq Abdullah meets party workers at his residence in Srinagar.
The National Conference-Congress alliance is likely to form government in Jammu and Kashmir with poll trends showing the combine ahead in 51 of the 90 seats… pic.twitter.com/LZjgVz1v4k
— Press Trust of India (@PTI_News) October 8, 2024
તેમણે સાબિત કર્યું છે. પાંચ ઓગસ્ટના નિર્ણયનો તેઓ સ્વીકાર નથી કરતા, એમ તેમણે કહ્યું હતું. ચૂંટણી પંચના આંકડા અનુસરા જમ્મુ-કાશ્મીરમાં ભાજપ 26 સીટો પર અને પીડીપી પાંચ સીટો પર આગળ છે. અપક્ષો અને નાના પક્ષો સાત બેઠકો પર આગળ ચાલી રહ્યા છે. 90 બેઠકોની વિધાનસભામાં બહુમતનો આંકડો 46 છે.
જમ્મુ-કાશ્મીરના પૂર્વ મુખ્યમંત્રી ઓમર અબ્દુલ્લા બે બેઠકો પર ચૂંટણી લડ્યા હતા. તેઓ બડગામમાં જીત્યા અને ગાંદરબલમાં આગળ ચાલી રહ્યા છે. મહેબૂબા મુફ્તીની પુત્રી ઇલ્તિજા મુફ્તી શ્રીગુફવારા-બિજબેહરા સીટથી પાછળ છે. તેણે કહ્યું- હું લોકોનો નિર્ણય સ્વીકારું છું. બીજી તરફ ભાજપ અધ્યક્ષ રવીન્દ્ર રૈના નૌશેરા બેઠક પરથી હારી ગયા છે.
