મુંબઈઃ એક મહત્ત્વપૂર્ણ પહેલરૂપે મધ્ય રેલવેએ મુંબઈની ઉપનગરીય ટ્રેનોમાં માનવ ભૂલને કારણે અકસ્માતો, અથડામણ અને ડીરેલમેન્ટ રોકવા માટે અને પ્રવાસીઓની સુરક્ષા વધારવા માટે ઓડિયો એલર્ટ સિસ્ટમ બેસાડવાનું શરૂ કર્યું છે.
આ સિસ્ટમ મોટરમેનના કોચની અંદર બેસાડવામાં આવે છે, જે EMU (લોકલ) ટ્રેનની સફર દરમિયાન કોઈ અકસ્માત વિશે મોટરમેનને લાલ સિગ્નલ રૂપે એલર્ટ આપશે. સિસ્ટમ મોટરમેનને સાવચેત કરશે કે હવે પછીનું રેલવે સિગ્નલ લાલ છે. પરિણામે તે ટ્રેનને એ પહેલા જ ઊભી રાખી દેશે.
