અમદાવાદ: 10મા આંતરરાષ્ટ્રીય યોગ દિવસ નિમિત્તે વિસામો કિડ્સ દ્વારા ગુજરાત રાજ્ય યોગ બોર્ડ (GSYB)ના સહયોગથી વિવાંત હોટેલ અમદાવાદના CSR બેનર હેઠળ “સ્વ અને સમાજ માટે યોગ” થીમ પર કાર્યક્રમ યોજાયો હતો. વિસામો કિડ્સ અમદાવાદમાં વંચિત બાળકો માટે કાર્યરત સંસ્થા છે. 
સંસ્થાના જાણીતા શુભેચ્છકો, દાતાઓ, સ્વયંસેવકો અને સમર્થકોનો સહકાર કાર્યક્રમમાં મળ્યો હતો. ઉદ્યોગસાહસિક, વિસામો કિડ્સમાં ત્રીજી પેઢીના દાતા અને બાળ પ્રયોજક એવા અનન શાહ, વિસામો ટાસ્ક ગ્રૂપના સભ્ય અને સુધા મૂર્તિ, ભદ્રા મહેતા, રાજસી ઠક્કર, સંદ્યા કંડુની પુસ્તકોના જાણીતા અનુવાદક એવા સોનલ મોદી પણ હાજર રહ્યા હતા.
રોટેરિયન્સ અને ISROના નિવૃત્ત વૈજ્ઞાનિક માલવિયા, ખુશવાહા અને સતીશ કટારા હાજર રહ્યા હતા. વાર્તાકાર અને ઉદ્યોગસાહસિક યોગિતા બંસલ આહુજા, સ્વયંમસેવકો અને માર્ગદર્શકો ધર્મિષ્ઠા ગજ્જર, હેતલ સોની, દીપિકા ગુપ્તા અને વંશ ગુપ્તા, નિવૃત્ત ISRO અધિકારી નગીન પ્રજાપતતિ અને GSYBના યુવા સ્વયંસેવકોની ટીમ સાથે વિવાંતની ટીમે યોગમાં ભાગ લીધો હતો અને બાળકોને પણ યોગ કરવા પ્રોત્સાહિત કર્યા હતા.
