નવી દિલ્હીઃ માર્ચની તુલનાએ એપ્રિલમાં મેડિસીનના વેચાણમાં આશરે 19 ટકાનો ઘટાડો નોંધાયો હતો. કોવિડ-19ને ફેલાતો રોકવા માટે રાષ્ટ્રવ્યાપી લોકડાઉનની તે અસર છે. દેશની ટોચની 20 કંપનીઓ પૈકી સિપ્લાના વેચાણમાં 28 ટકાનો ઘટાડો થયો હતો, જ્યારે GSK ફાર્મા અને ડો રેડ્ડી-પ્રત્યેક કંપનીના વેચાણમાં 25 ટકાનો ઘટાડો નોંધાયો હતો. એમાં પણ એપ્રિલના છેલ્લાં બે સપ્તાહમાં ગંભીર બીમારીની મેડિસીન ગભરાટમાં ઓછી ખરીદાઈ હતી.
મેડિસીનના વેચાણમાં 19 ટકાનો ઘટાડો
દેશમાં કોરોના વાઇરસને ફેલાતો રોકવા માટે દેશમાં લોકડાઉનને લાગુ કરાવાને કારણે વિવિધ દવાઓના વેચાણમાં માર્ચની તુલનાએ એપ્રિલમાં આશરે 19 ટકાનો ઘટાડો થયો હતો, કેમ કે બજારની સપ્લાય ચેઇનમાં મોટો વિક્ષેપ પડ્યો હતો, એમ એક પ્રારંભિક ડેટામાં જણાવવામાં આવ્યું છે.
મેડિસીનના ઘટી રહેલા વેચાણને પગલે માર્ચની સરખામણીએ એપ્રિલમાં ઇન્વેન્ટરી (સ્ટોકમાં)ના 30 ટકાનો વધારો થયો હતો, જે ડેટા દર્શાવે છે, જે સ્ટોકિસ્ટ્સ અને વેચાણના ઇન્વેન્ટરીના સ્તરની તુલના દર્શાવે છે. જોકે આ પ્રારંભિક ડેટા છે અને અંતિમ વેચાણ ડેટા આ સપ્તાહના અંતે બહાર આવશે. આ ડેટા દર્શાવે છે કે સામાન્ય રીતે, બહાર ફરતી વખતે લોકોમાં એન્ટી-બાયોટિક દવાઓ લેવાનું ચલણ વધારે રહેતું હોય છે. લોકકડાઉન દરમ્યાન મોટા ભાગના લોકો ઘરે રહેતા હોય છે અને બહાર નીકળતા ન હોવાથી હવાના પ્રદૂષણથી ચેપ લાગવાની સંભાવના ઓછી થઈ ગઈ છે, પરિણામે એવી દવાઓની માગમાં ઘટાડો થયો છે, એમ અહેવાલ કહે છે.
એન્ટી-ઇન્ફેક્ટિવ સેગમેન્ટમાં 41 ટકાનો ઘટાડો
એપ્રિલમાં એન્ટી-ઇન્ફેક્ટિવ સેગમેન્ટની મેડિસીનમાં 41 ટકાનો મોટો ઘટાડો નોંધાયો હતો, જેમા ઇન્વેન્ટરી સ્તર એક મહિના અગાઉના 39 દિવસથી વધીને 71 દિવસ થયું હતું.
એન્ટી-ડાયાબિટીક અને કાર્ડિયાક-કેર દવાઓની ઇન્વેન્ટરી સ્તર અનુક્રમે 26 અને 31 દિવસ સુધી વધતા એપ્રિલના છેલ્લા બે અઠવાડિયામાં પણ લાંબી બીમારીઓ માટે દવાઓની ખરીદી ઓછી ગભરાઈ હોવાનું જણાય છે.
અગ્રણી કંપનીના વેચાણમાં નોંધપાત્ર ઘટાડો
ટોચની 20 કંપનીઓમાં વેચાણમાં સૌથી વધુ ફટકો સિપ્લાને પડ્યો હતો, જેના વેચાણમાં 28 ટકાનો ઘટાડો થયો હતો. જ્યારે ઝાયડસ કેડિલા, ગ્લેક્સોસ્મિથક્લાઇન ફાર્માસ્યુટિકલ્સ અને ડો. રેડ્ડીઝ લેબ- પ્રત્યેક કંપનીની મેડિસીનના વેચાણમાં 25 ટકાનો ઘટાડો થયો હતો. જ્યારે દેશી સૌથી મોટી ડ્રગઉત્પાદક સન ફાર્માસ્યુકિલ્સના ઉત્પાદનમાં 17 ટકાનો ઘટાડો થયો હતો.
દેશમાં લોકડાઉન શરૂ થયા પછી ફાર્મા કંપનીઓની દવાઓનું વેચાણ સતત ઘટી રહ્યું છે, ખાસ કરીને ક્રોનિક ડ્રગ સેગમેન્ટમાં. જોકે એપ્રિલના મધ્ય ભાગ સુધી આ સેગમેન્ટમાં ગભરાટમાં ખરીદી ખૂબ થઈ હતી.
