મુંબઈઃ વૈશ્વિક ક્રીપ્ટોકરન્સી માર્કેટમાં બુધવારે અગ્રણી કોઇનમાં પ્રોફિટ બુકિંગ થયું હતું. 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બપોરે ચાર વાગ્યે પૂરા થયેલા ચોવીસ કલાકમાં 0.42 ટકા (229 પોઇન્ટ) ઘટીને 53,918 પોઇન્ટ બંધ રહ્યો હતો. ઇન્ડેક્સ 54,147 ખૂલીને 54,442ની ઉપલી અને 52,447 પોઇન્ટની નીચલી સપાટીએ ગયો હતો. ઇન્ડેક્સના ઘટકોમાંથી ડોઝકોઇન, શિબા ઇનુ, કાર્ડાનો અને પોલીગોન 1થી 3 ટકાની રેન્જમાં ઘટ્યા હતા. બીએનબી, સોલાના અને અવાલાંશમાં 2થી 5 ટકાની રેન્જમાં ઘટાડો થયો હતો.
વિશ્વભરની સિક્યોરિટીઝ માર્કેટની નિયમનકાર સંસ્થા આયોસ્કોએ ડિસેન્ટ્રલાઇઝ્ડ ફાઇનાન્સ વિશે નીતિવિષયક ભલામણો કરી છે. રોકાણકારોના રક્ષણાર્થે એમાં નવ મુદ્દાઓ સામેલ કરવામાં આવ્યા છે. દરમિયાન, પ્રાઇસવોટરહાઉસકૂપર્સના નવા અહેવાલ મુજબ 40 કરતાં વધુ દેશોએ આ વર્ષે ક્રીપ્ટોકરન્સી માટે નિયમન લાવવાની દિશામાં કામગીરી હાથ ધરી છે. અન્ય એક અહેવાલ મુજબ ફ્રેન્કલિન ટેમ્પલ્ટને જણાવ્યા મુજબ એસએસબીસી અને જે. પી. મોર્ગન બ્લોકચેઇન ટેક્નોલોજી આધારિત પ્રવૃત્તિઓ તરફ વળી રહી છે.
