મુંબઈઃ વૈશ્વિક ક્રીપ્ટોકરન્સી માર્કેટમાં ફરી એક વાર ઘટાડો થયો છે. અમેરિકન સિક્યોરિટીઝ એક્સચેન્જ કમિશને હેશડેક્સના બિટકોઇન ઈટીએફના કન્વર્ઝન બાબતે નિર્ણય લેવામાં વિલંબ કર્યો હોવાનું આ ઘટાડા પાછળનું મુખ્ય કારણ હોવાનું મનાય છે.
3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 શુક્રવારે બપોરે ચાર વાગ્યે પૂરા થયેલા ચોવીસ કલાકમાં 3.67 ટકા (1,755 પોઇન્ટ) ઘટીને 46,051 પોઇન્ટ બંધ રહ્યો હતો. ઇન્ડેક્સ 47,806 ખૂલ્યા બાદ 48,106ની ઉપલી અને 45,272ની નીચલી સપાટીએ પહોંચ્યો હતો. ઇન્ડેક્સમાંથી ઘટેલા મુખ્ય કોઇન સોલાના, ચેઇનલિંક, કાર્ડાનો અને પોલીગોન હતા, જેમાં 8થી 13 ટકાની રેન્જમાં ઘટાડો થયો હતો. એકમાત્ર વધનાર કોઇન ડોઝકોઇન 5.03 ટકા વૃદ્ધિ પામ્યો હતો.
દરમિયાન, સિક્યોરિટીઝ માર્કેટના વ્યવહારો પર ચાંપતી નજર રાખતી સંસ્થા આઇઓસ્કોએ ક્રીપ્ટો અને ડિજિટલ એસેટ્સ માર્કેટ માટેની નીતિવિષયક ભલામણો ધરાવતો આખરી અહેવાલ બહાર પાડ્યો છે.
