મહારાષ્ટ્ર સરકારે અનલોક-5 અંતર્ગત પરવાનગી આપતાં મુંબઈ ઉપરાંત પડોશના નવી મુંબઈ, થાણે, પાલઘર સહિત મહારાષ્ટ્ર રાજ્યમાં 5 ઓક્ટોબર, સોમવારથી રેસ્ટોરન્ટ્સ, કેફે, હોટેલ્સ, ફૂડ કોર્ટ્સ અને બીયર બાર ફરી ખુલી ગયા છે. જોકે કોરોના વાઈરસ બીમારીના ફેલાવાને કારણે કેન્દ્ર સરકારે સ્વાસ્થ્ય સુરક્ષાને લગતા કડક નિયમોનું પાલન કરવાનું આ તમામને માટે ફરજિયાત બનાવાયું છે. જેમ કે, હોટેલના સ્ટાફ અને ગ્રાહકોએ ફેસ માસ્ક પહેરવો ફરજિયાત, સોશિયલ ડિસ્ટન્સિંગ રાખવું અને 50 ટકા ગ્રાહકોને જ પ્રવેશવા દેવા.
