‘હેરાફેરી’ની બાળકલાકાર રિંકુ હવે સુંદર પર્યાવરણ નિષ્ણાત બની ગઈ છે…
2000ની સાલમાં આવેલી હિન્દી કોમેડી ફિલ્મ 'હેરાફેરી' બોક્સ ઓફિસ પર હિટ સાબિત થઈ હતી. અક્ષય કુમાર, પરેશ રાવલ, સુનીલ શેટ્ટી અભિનીત એ ફિલ્મમાં એક નાનકડી છોકરીએ પણ સરસ એક્ટિંગ કરી હતી. રિંકુ નામના પાત્રની ભજવણી કરી હતી - એની એલેક્સીયા એન્રાએ. એ વખતે તે 10 વર્ષની હતી. આજે એની 30 વર્ષની થઈ ગઈ છે અને પર્યાવરણની નિષ્ણાત બની ગઈ છે.
'હેરાફેરી' ફિલ્મમાં રિંકુ છોકરી દેવીપ્રસાદની પૌત્રી હોય છે અને એનું અપહરણ કરવામાં આવે છે. ફિલ્મના દ્રશ્યો, ડાયલોગ્સ બધું રમૂજી હતું.
એની ફ્રાન્સ ગઈ હતી અને ત્યાં BBA કર્યું હતું. ત્યાંથી એ ભારત પાછી આવી હતી અને બે વર્ષ સુધી એક સોફ્ટવેર કંપનીમાં કામ કર્યું હતું. બાદમાં એણે એ નોકરી છોડી દીધી અને પોતાનો બિઝનેસ શરૂ કર્યો હતો. એણે વેસ્ટ મેનેજમેન્ટ કંપની શરૂ કરી છે જેનું નામ છે - વેસ્ટેડ સોલ્યૂશન્સ.
એની એન્રાએ કમલ હાસનની 'ચાચી 420'ની તેલુગુ આવૃત્તિ ફિલ્મમાં પણ બાળકલાકાર તરીકે અભિનય કર્યો હતો.
