લોનાવલામાં ખેતરમાં કામ કરવાનો આનંદ માણે છે ધર્મેન્દ્ર…
હાલ કોરોના વાઈરસનો ફેલાવો રોકવા માટે દેશભરમાં લોકડાઉન છે અને સામાન્ય લોકો તેમજ સેલિબ્રિટી વ્યક્તિઓ ઘરમાં બંધ છે, તમામ વ્યાપાર-ધંધાકીય પ્રવૃત્તિઓ બંધ છે ત્યારે બોલીવૂડના પીઢ અભિનેતા ધર્મેન્દ્ર મુંબઈ નજીકના લોનાવલામાં એમના ખેતરમાં કેળાની ખેતી કરવાના કામમાં વ્યસ્ત રહેવામાં આનંદ માણે છે.
84-વર્ષીય ધર્મેન્દ્રએ પોતાનો વિડિયો ટ્વિટર પર શેર કર્યો છે. એમણે કહ્યું કે પોતે એમના ખેતરમાં ચીકૂ અને નાળિયેર જેવા અન્ય ફળ પણ ઉગાડે છે.
ધર્મેન્દ્રએ ટ્વીટ કરીને કહ્યું કે ખેતી કરવાથી મને થોડીઘણી કસરત પણ થઈ જાય છે.
