Home Blog Page 3006

રામ નવમી પર બંગાળ, વડોદરા અને સંભાજીનગરમાં હિંસા

ગુરુવારે ભગવાન રામની જન્મજયંતિ એટલે કે રામ નવમીનો તહેવાર દેશભરમાં સંપૂર્ણ ધાર્મિક ઉત્સાહ સાથે ઉજવવામાં આવ્યો હતો. આ દરમિયાન દેશના ઘણા રાજ્યોમાં અથડામણ પણ જોવા મળી હતી. ગુજરાતના વડોદરાના ફતેપુરા વિસ્તારમાં રામ નવમીની શોભાયાત્રા પર પથ્થરમારો કરવામાં આવ્યો હતો. આ ઉપરાંત પશ્ચિમ બંગાળના હાવડામાં રામનવમીની શોભાયાત્રા દરમિયાન પથ્થરમારો અને વાહનોને આગ ચાંપી દેવામાં આવી હતી. હંગામા બાદ પોલીસ કર્મચારીઓએ વિસ્તારમાં ફ્લેગ માર્ચ કરી હતી.

પશ્ચિમ બંગાળના મુખ્યમંત્રી મમતા બેનર્જીએ નામ લીધા વગર હાવડા ઘટના માટે ભાજપને જવાબદાર ગણાવ્યું હતું. તેમણે કહ્યું કે તેઓ કોમી રમખાણો કરવા માટે રાજ્ય બહારથી ગુંડાઓને બોલાવી રહ્યા છે. કોઈએ તેમના સરઘસને અટકાવ્યા નથી, પરંતુ તેમને તલવારો અને બુલડોઝર સાથે કૂચ કરવાનો અધિકાર નથી. તેમને હાવડામાં આવું કરવાની હિંમત કેવી રીતે મળી?


“સમુદાયને લક્ષ્ય બનાવવા માટે રૂટ બદલાયો”

મમતા બેનર્જીએ કહ્યું કે રમઝાનનો મહિનો પણ ચાલી રહ્યો છે અને મુસ્લિમો આ મહિનામાં કોઈ ‘ખોટું’ કામ નથી કરતા. તેણે કહ્યું કે મારી આંખ અને કાન ખુલ્લા છે. હું બધું સૂંઘી શકું છું. મેં તેમને પહેલેથી જ ચેતવણી આપી હતી કે મુસ્લિમ પ્રભુત્વ ધરાવતા વિસ્તારોમાંથી સરઘસ કાઢતી વખતે સાવચેત રહે. મેં અગાઉ પણ કહ્યું હતું કે રામનવમી પર રેલી કાઢીએ તો હિંસા થઈ શકે છે. આજે હાવડામાં બુલડોઝર પણ લઈ જવામાં આવ્યા હતા. રૂટ બદલ્યો, કોને પૂછીને રૂટ બદલ્યો? જેથી કરીને સમુદાયને નિશાન બનાવી શકાય. તેમણે કહ્યું કે જો તેઓ માને છે કે તેઓ અન્ય પર હુમલો કરશે અને કાયદાકીય હસ્તક્ષેપ દ્વારા રાહત મેળવશે, તો તેઓએ જાણવું જોઈએ કે જનતા એક દિવસ તેમને નકારી દેશે. જેમણે કોઈ ખોટું કર્યું નથી તેમની ધરપકડ કરવામાં આવશે નહીં. ભાજપના કાર્યકર્તાઓની હિંમત કેવી રીતે થઈ લોકોના ઘરો પર બુલડોઝર?

સંભાજીનગરમાં અથડામણ

મહારાષ્ટ્રના છત્રપતિ સંભાજીનગર (જૂનું નામ ઔરંગાબાદ)ના કિરાડપુરા વિસ્તારમાં બે જૂથો વચ્ચે અથડામણ થઈ અને પથ્થરમારો થયો. તેમજ કેટલાક ખાનગી અને પોલીસ વાહનોને આગ ચાંપી દેવામાં આવી હતી. પોલીસે લોકોને વિખેરવા બળપ્રયોગ કર્યો હતો. સંભાજીનગરના સીપી નિખિલ ગુપ્તાએ જણાવ્યું હતું કે હાલ પરિસ્થિતિ શાંતિપૂર્ણ છે. પોલીસ બદમાશો સામે કડક કાર્યવાહી કરશે.


મહારાષ્ટ્રના સીએમએ શું કહ્યું?

આ ઘટના પર મહારાષ્ટ્રના સીએમ એકનાથ શિંદેએ કહ્યું કે મેં અધિકારીઓ સાથે વાત કરી છે અને લોકોને શાંતિ જાળવવાની અપીલ કરી છે. આજ સુધી જે રીતે બધા તહેવારો એકસાથે ઉજવાતા આવ્યા છે એ જ રીતે બધા તહેવારો ઉજવવા જોઈએ. રાજ્યમાં કાયદો અને વ્યવસ્થાની સ્થિતિ બગાડશો નહીં.

ગુજરાતના વડોદરામાં અથડામણ

ગુજરાતના વડોદરામાં થયેલા હંગામા અંગે, નાયબ પોલીસ અધિક્ષક યશપાલ જગાણીયાએ જણાવ્યું હતું કે આ દરમિયાન કેટલાક વાહનોને નુકસાન થયું હતું, જોકે કોઈને ઈજા થઈ નથી. પોલીસ સુરક્ષા હેઠળ પૂર્વ નિર્ધારિત રૂટ પરથી શોભાયાત્રા કાઢવામાં આવી હતી. બનાવની જાણ થતા જગાણીયા તથા અન્ય ઉચ્ચ પોલીસ અધિકારીઓ ઘટના સ્થળે પહોંચી ગયા હતા.

જગાણીયાએ દાવો કર્યો હતો કે ગુરુવારે શહેરમાં નીકળેલા દરેક શોભાયાત્રામાં સુરક્ષા વ્યવસ્થા કરવામાં આવી હતી. સ્થિતિ નિયંત્રણમાં છે. આ ઘટના ત્યારે બની જ્યારે જુલુસ એક મસ્જિદ પાસે પહોંચ્યું અને લોકો સ્થળ પર પહોંચવા લાગ્યા. આ કોઈ કોમી રમખાણ નથી. અમે ભીડને વિખેરી નાખી અને સરઘસ આગળ વધ્યું. પોલીસ કમિશનર મનોજ નિનામાની આગેવાની હેઠળ પણ ઘટનાસ્થળે પહોંચીને શાંતિ જાળવવા વધારાના દળો તૈનાત કરવાનો આદેશ આપ્યો હતો.

લખનૌમાં પણ હોબાળો

આ સિવાય ઉત્તર પ્રદેશના લખનૌમાં પણ રામ નવમી પર હંગામો થયો છે. DCP ઉત્તર લખનૌ કાસિમ આબિદીએ કહ્યું કે સુમિત નામના વ્યક્તિ સાથે 10-15 લોકો ડીજે પર સંગીત વગાડી રહ્યા હતા, ત્યારબાદ લોકોના બે જૂથો વચ્ચે દલીલ થઈ. જાનકીપુરમ પોલીસ સ્ટેશન હેઠળના મડિયાઓં ગામમાં ધાર્મિક સ્થળ પાસેથી પસાર થતાં અન્ય જૂથે આનો વિરોધ કર્યો હતો. સરઘસ કાઢવાની મંજૂરી આપવામાં આવી ન હતી. બંને જૂથોને કસ્ટડીમાં લેવામાં આવ્યા હતા. વિસ્તારમાં શાંતિ પ્રવર્તે છે.

દિલ્હીમાં સ્થિતિ તંગ બની હતી

રામનવમી નિમિત્તે દિલ્હીમાં પણ કડક સુરક્ષા ગોઠવવામાં આવી હતી. ઉત્તર-પશ્ચિમ દિલ્હીના જહાંગીરપુરીમાં રામ નવમીના અવસર પર મોટી સંખ્યામાં લોકોએ નિયમો વિરુદ્ધ કૂચ કરી હતી, જેના પગલે કોઈપણ અપ્રિય ઘટનાને ટાળવા માટે દંગા વિરોધી દળને વિસ્તારમાં તૈનાત કરવી પડી હતી. પોલીસે આ માહિતી આપી હતી. દિલ્હી પોલીસે રામ નવમી ઉત્સવના ભાગ રૂપે જહાંગીરપુરીમાં ‘શ્રી રામ ભગવાન પ્રતિમા યાત્રા’ કાઢવા માટે લોકોના જૂથને પરવાનગી આપવાનો ઇનકાર કર્યો હતો. ગયા વર્ષે હનુમાન જયંતિ નિમિત્તે આ વિસ્તારમાં નીકળેલા શોભાયાત્રા દરમિયાન બે સમુદાયો વચ્ચે થયેલી હિંસક અથડામણને પગલે પોલીસે આ પગલું ભર્યું હતું. રામ નગરી અયોધ્યામાં કડક સુરક્ષા વચ્ચે ભગવાન રામની જન્મજયંતિની ઉત્સાહભેર ઉજવણી કરવામાં આવી હતી.

અમદાવાદમાં ગાજવીજ સાથે મુસળધાર વરસાદ તૂટી પડ્યો

અમદાવાદ: શહેરના મોટાભાગના વિસ્તારોમાં આજે ઠંડો પવન ફૂંકાયો હતો અને વીજળીના કડકા સાથે મુસળધાર વરસાદ તૂટી પડ્યો હતો.

આજે ચૈત્ર મહિનાના રામનવમી પર્વ નિમિત્તે ઠેર ઠેર રામજીના જન્મોત્સવના કાર્યક્રમો યોજાઈ રહ્યા છે, રેલીઓ, શોભાયાત્રા અને સરઘસો જેવા અસંખ્ય કાર્યક્રમો યોજાયાં છે તે વચ્ચે માવઠું થયું.

ભર ઉનાળે વરસાદ તૂટી પડતાં શહેરના તમામ નીચાણવાળા ભાગોમાં પાણી ભરાઈ ગયા. ઉબડખાબડ માર્ગો પર ખાબોચિયાં ભરાતાં ચોમાસા જેવો માહોલ ઉભો થયો હતો.

(પ્રજ્ઞેશ વ્યાસ )

આઇસી15 ઇન્ડેક્સ 47 પોઇન્ટ ઘટ્યો

મુંબઈઃ ક્રીપ્ટોકરન્સી માર્કેટ ગુરુવારે તદ્દન ફ્લેટ રહી હતી. માર્કેટના બેન્ચમાર્ક – આઇસી15 ઇન્ડેક્સના મોટાભાગના ઘટક કોઈન ઘટ્યા હતા. ફક્ત ચેઇનલિંક અને બિટકોઇનમાં અનુક્રમે 0.90 ટકા અને 0.59 ટકાનો વધારો થયો હતો. એક્સઆરપી, સોલાના, કાર્ડાનો અને પોલીગોન 2થી 7 ટકા ઘટ્યા હતા.

દરમિયાન, ઓસ્ટ્રેલિયામાં સંસદસભ્ય એન્ડ્રુ બ્રેગે ગ્રાહકોના રક્ષણ માટે તથા રોકાણકારોને પ્રોત્સાહન આપવા માટે ક્રીપ્ટો સર્વિસીસના પ્રોવાઇડર માટે લાઇસન્સની વ્યવસ્થા શરૂ કરવા માટેનો ખરડો સંસદમાં રજૂ કર્યો છે. ક્રીપ્ટો એક્સચેન્જ ઓકેએક્સે હોંગકોંગમાં વર્ચ્યુઅલ એસેટ સર્વિસ પ્રોવાઇડર તરીકેનું લાઇસન્સ મેળવવા માટે અરજી કરી છે. બીજી બાજુ, હોંગકોંગના સ્થાનિક રોકાણકારો ડિજિટલ ઉદ્યોગને નાણાં પૂરાં પાડી શકાય એ માટે 100 મિલ્યન ડોલરનું ફંડ ઊભું કરી રહ્યા છે.

અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 ગુરુવારે બપોરે ચાર વાગ્યે પૂરા થયેલા ચોવીસ કલાકમાં 0.12 ટકા (47 પોઇન્ટ) વધીને 38,397 પોઇન્ટ બંધ રહ્યો હતો. ઇન્ડેક્સ 38,444 ખૂલીને 39,132ની ઉપલી અને 37,727 પોઇન્ટની નીચલી સપાટીએ ગયો હતો.

‘ઝરૂખો’માં ‘ધર્મની ઉત્પત્તિ’ વિષય પર ડો.બિપિન દોશીનું વક્તવ્ય

મુંબઈઃ સાહિત્યિક સાંજ તરીકે ઓળખાતા “ઝરૂખો”માં ૧ એપ્રિલ, શનિવાર સાંજે ૭.૧૫ વાગ્યે “ધર્મની ઉત્પત્તિ” વિષય પર ડો.બિપિન દોશી વક્તવ્ય આપશે. ડો.બિપિન દોશી જૈન ધર્મની ફિલોસોફી પર છેલ્લા ૨૬ વર્ષથી દેશવિદેશમાં વક્તવ્ય આપે છે અને ૪૮ વર્ષથી ફિઝીશિયન તરીકે સેવા આપે છે.

કાર્યક્રમનું સ્થળ છે, સાઈબાબા મંદિર, બીજે માળે, સાઈબાબા નગર, બોરીવલી (પશ્ચિમ), મુંબઈ. કાર્યક્રમનું સંચાલન સંજય પંડ્યા કરશે. કાર્યક્રમમાં સર્વને હાજરી આપવાનું સંસ્થા સાંઈલીલા વેલ્ફેર ટ્રસ્ટ તરફથી નિમંત્રણ છે.

સંગીતા ગુપ્તા દ્વારા વસ્ત્ર કલા પ્રદર્શન ‘આદિયોગી શિવા’નું આયોજન

ગાંધીનગરઃ નેશનલ ઈન્સ્ટિટ્યૂટ ઓફ ફેશન ટેક્નોલોજી, ગાંધીનગરના ઉપક્રમે આર્ટિસ્ટ, કવિયત્રી અને ફિલ્મ નિર્માત્રી સંગીતા ગુપ્તાનાં ટેક્સ્ટાઈલ આર્ટ પ્રદર્શન ‘આદિયોગી શિવા’નું આજે NIFT ગાંધીનગર કેમ્પસના તાના રિરિ ફોયર ખાતે આયોજન કરવામાં આવ્યું હતું. ભારત સરકારનાં ટેક્સ્ટાઈલ કમિશનર રૂપ રાશિએ આ પ્રદર્શનનું ઉદઘાટન કર્યું હતું.

સંગીતા ગુપ્તા ભૂતપૂર્વ IRS અધિકારી છે અને NIFT કેમ્પસ ખાતે વિદ્યાર્થીઓ સાથે વર્કશોપ્સનું પણ આયોજન કરે છે.

રાજ્યમાં અનેક વિસ્તારોમાં મધ્યમથી ભારે વરસાદની આગાહી

અમદાવાદઃ વેસ્ટન ડિસ્ટર્બન્સને કારણે રાજ્યના કેટલાક વિસ્તારમાં વાતાવરણમાં પલટો આવ્યો છે. ગાજવીજ અને ભારે પવન સાથે સામાન્ય વરસાદ થઈ રહ્યો છે. હજુ પણ બે દિવસ ગુજરાતમાં કમોસમી વરસાદની આગાહી કરવામાં આવી છે. અમદાવાદ અને ગાંધીનગરમાં પણ પવન સાથે વરસાદ વરસે તેવો અંદાજ છે જોકે 24 કલાક બાદ ફરી મહત્તમ તાપમાન વધવાનું શરૂ થશે.

હવામાન વિભાગે જણાવ્યું  હતું કે ઉતર ગુજરાત, પૂર્વ મધ્ય ગુજરાત, સૌરાષ્ટ અને ક્ચ્છમાં સામાન્યથી મધ્યમ વરસાદની આગાહી કરવામાં આવી છે. આ ઉપરાંત વિભાગે જણાવ્યું હતું કે  સાબરકાંઠા, બનાસકાંઠા, અમદાવાદ, ગાધીનગર, અરવલ્લી, ખેડા, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, રાજકોટ, સુરેન્દ્રનગર, અમરેલી, ભાવનગર, ગીર સોમનાથ, બોટાદ, દીવ અને કચ્છમાં 40 કિલોમીટરની ઝડપે પવન ફૂંકાશે. વીજળીના ચમકારા સાથે સામાન્યથી મધ્યમ વરસાદની આગાહી કરવામાં આવી છે.

અમદાવાદમાં નરેન્દ્ર મોદી સ્ટેડિયમમાં આવતી કાલે IPL રમાવાની છે. રાજ્યમા વેસ્ટન ડિસ્ટર્બન્સને કારણે વારંવાર માવઠું થઈ રહ્યું છે. આ માવઠાને લીધે કૃષિ પાકને નુકસાન થઈ રહ્યુ છે અને બેવડી ઋતુની અસર લોકોના સ્વાસ્થ્ય પર પડી રહી છે.બીજી બાજુ, રાજકોટના ઉપલેટમાં વહેલી સવારથી વાતાવરણમાં પલટો જોવા મળ્યો છે. ઉપલેટા શહેર અને ગ્રામ્ય પંથકમાં હળવો વરસાદ જોવા મળ્યો છે. વાતાવરણમાં પલટો આવતાં ઘઉં, ધાણા, તલ અને જીરુના પાકને નુકસાન થવાની ભીંતિ છે.

 

 

 

 

વડોદરા: મસ્જિદ પાસેથી પસાર થતી રામનવમીની શોભાયાત્રા પર પથ્થરમારો

રામનવમી પર વડોદરામાં જૂથ અથડામણ થવાની ઘટના સામે આવી છે. રામનવમી નિમિત્તે નીકળેલી શોભાયાત્રામાં પથ્થરમારો થતા તંગદિલી ભર્યો માહોલ સર્જાયો હતો. આજે રામનવમી નિમીત્તે વડોદરામાં વિશ્વ હિંદુ પરિષદ અને બજરંગ દળ દ્વારા શોભાયાત્રાનું આયોજન કરવામાં આવ્યું હતું. ત્યારે આ શોભાયાત્રા દરમિયાન પથ્થરમારામી ઘટના સામે આવી છે. જેમાં બે જૂથ સામ સામે આવી જતા મામલો ઉગ્ર બન્યો હતો અને કેટલાક લોકોએ ગાડીઓ પર પણ પથ્થરમારો કરીને ગાડીઓના કાચ તોડ્યા હતા.

મૂર્તિને ખંડિત કરવાનો પ્રયત્ન

વડોદરાના ફતેપુરા ગવડોદરાના ફતેપુરા ગરનાળા પોલીસ ચોકી પાસે જૂથ અથડામણ થઈ હતી. જેમાં રામનવમી નિમિત્તે નીકળેલી શોભાયાત્રામાં પથ્થરમારો થયો હોવાનો આક્ષેપ કરવામા આવ્યો છે. આ ઘટના અંગે પ્પાપ્ત જાણકારી મુજબ વડોદરાના ફતેપુરા વિસ્તારમાં આજે બપોરે મસ્જિદ પાસેથી નિકળેલી શોભાયાત્રા પર કેટલાક આવારાત્વો પથ્થરમારો કર્યો હતો. આ દરમિયાન કેટલાક લોકો દ્વારા ભગવાન રામની મૂર્તી ખંડિત કરવાનો પ્રયત્ન પણ કરવામાં આવ્યો હતો. વિશ્વ હિંદુ પરિષદ અનુસાર, મુસ્લિમોના 200થી 500 લોકોના ટોળાએ શેરીઓમાંથી રસ્તા ઉપર ધસી આવીને આ હુમલો કર્યો હતો.

પોલીસનો પૂરતો બંદોબસ્ત ગોઠવ્યો

આ ઘટના અંગે પોલીસને જાણ થતાં જ ઉચ્ચ પોલીસ અધિકારીઓનો કાફલો ઘટનાસ્થળે દોડી આવ્યો છે. અને પોલીસે આ સમગ્ર વિસ્તારને કોર્ડન કરી લીધો છે. અને હાલમાં પોલીસનો પૂરતો બંદોબસ્ત ગોઠવી દેવામાં આવ્યો છે.

અમિત શાહે હરિદ્વારમાં પતંજલિ યુનિવર્સિટીનું ઉદ્ઘાટન કર્યું

કેન્દ્રીય ગૃહ પ્રધાન અમિત શાહે ગુરુવારે હરિદ્વારમાં પતંજલિ યુનિવર્સિટીનું ઉદ્ઘાટન કર્યું. આ પ્રસંગે રાજ્યના સીએમ પુષ્કર સિંહ ધામી અને યોગ ગુરુ રામદેવ પણ હાજર હતા. આ પ્રસંગે અમિત શાહ અને બાબા રામદેવે પણ હવન કર્યો હતો. ગૃહમંત્રીનું સ્વાગત કરતાં બાબા રામદેવે ટ્વીટ કર્યું કે, “પતંજલિ યુનિવર્સિટીનો ઉદ્ઘાટન સમારોહ અને સંન્યાસ દીક્ષા મહોત્સવ ભારત માતાના પ્રિય લોખંડી પુરૂષ, પ્રખર દેશભક્ત, ગૃહમંત્રી અમિત શાહની પવિત્ર હાજરીમાં યોજાશે.” ઉત્તરાખંડના પ્રવાસે ગયેલા કેન્દ્રીય ગૃહ પ્રધાન અમિત શાહે ગુરુકુલ કાંગરી યુનિવર્સિટીના 113માં દિક્ષાંત સમારોહમાં પણ ભાગ લીધો હતો.

 અમિત શાહે રામનવમીની શુભેચ્છા પાઠવી

અમિત શાહે હરિદ્વારમાં જનસભાને પણ સંબોધી હતી. તેમણે કહ્યું કે આજે હું તમને બધાને રામ નવમીની શુભેચ્છા પાઠવું છું. આજે, સહકાર મંત્રાલય દ્વારા દેશના તમામ 63000 સક્રિય પેકને કોમ્પ્યુટરાઇઝ કરવાનું કામ શરૂ થયું છે. આ સાથે 307 જિલ્લા સહકારી બેંકો અને અન્ય ઘણી બાબતોનું કોમ્પ્યુટરાઈઝેશન કરવામાં આવ્યું છે. કેન્દ્રીય ગૃહ મંત્રીએ વધુમાં કહ્યું કે સહકારી મંત્રાલયની વિનંતી પર સુપ્રીમ કોર્ટે સહારા જૂથની 4 સહકારી મંડળીઓમાં રોકાણ કરનારા 10 કરોડ રોકાણકારોને તેમના નાણાં પરત કરવાનો નિર્દેશ આપ્યો છે. ઉત્તરાખંડના મુખ્યમંત્રી પુષ્કર સિંહ ધામીએ પણ જનસભાને સંબોધી હતી અને વિપક્ષ પર આકરા પ્રહારો કર્યા હતા.


મુખ્યમંત્રી ધામીનો વિપક્ષ પર પ્રહાર

તેમણે કહ્યું કે જો આપણે કોઈ મોટો નિર્ણય લઈએ તો તેમાંથી પાછળ હટતા નથી, પરંતુ અમારો વિરોધ અમારા નિર્ણયો પર પ્રશ્નાર્થ ઉભા કરવાનું કામ કરે છે. જ્યારે અમે નકલ વિરોધી કાયદો બનાવ્યો ત્યારે વિપક્ષે યુવાનોને ફસાવવાનું કામ કર્યું. અમે નકલ વિરોધી કાયદાનો અમલ કરીને યુવાનોનું ભવિષ્ય સુરક્ષિત કર્યું છે. આજે આ નવા ભારતમાં માત્ર અમુક પસંદગીના પરિવારો જ નહીં, દરેકનો અવાજ સંભળાય છે.

ભાવનગરના મેવાસા ગામ પાસે ગમખ્વાર અકસ્માત, 7 ના મોત, અનેક ઘાયલ

રાજ્યમાં અકસ્માતોની ઘટનામાં ઉત્તરોત્તર વધારો થઈ રહ્યો છે. બેફામ ઝડપ અને બેજવાબદારી ભર્યા ડ્રાઈવિંગના પગલે અનેક લોકોના જીવ જાય છે. ત્યારે આજે ફરી એક વખત ભાવનગર જિલ્લામાં ગમખ્વાર અકસ્માત સર્જાયો છે. આજે રામનવમીના દિવસે ભાવનગરના વલભીપુર તાલુકાના મેવાસા ગામ પાસે દુર્ઘટના સર્જાઈ છે. જેમાં મેવાસા ગામ નજીક કડબ ભરેલો ટ્રક પલટી જતા કેટલાક શ્રમિકો દડાયા છે. જેમાંથી 7 લોકોના કરુણ મોત થયા હોવાનું જાણવા મળી રહ્યું છે. મળતી માહિતી મુજબ વલભીપુરના મેવાસા ગામ પાસે ઘાસચારો ભરેલો એક ટ્ર્ક જઈ રહ્યો હતો. આ દરમિયાન ટ્રક અચાનક પલટી મારી ગયો હતો.આ ઘટનામાં ટ્રકમાં સવાર 12થી 14 શ્રમિકો ટ્રક નીચે દટાયા હતા.જેમાંથી 7 લોકોના મોત નિપજ્યા હોવાનું જાણવા મળી રહ્યો છે.

ટાયર ફાટતા  ટ્રક પલટી

ભાવનગર જીલ્લાના વલભીપુર તાલુકાના મેવાસા ગામ પાસે પશુનો ચારો ભરેલી ટ્રકનું ટાયર ફાટતા આ આઈસર ટ્રક પલટી મારી ગઈ હતી. આ અકસમાતમાં ટ્રકમાં સવાર 12થી 14 શ્રમિકો ટ્રક નીચે દટાઈ ગયા હતા. ઘટનાની જાણ થતા જ તંત્રે સ્થળ પર દોડી જઈ બચાવ કામગીરી હાથ ધરી હતી.

પોલીસ અને 108ની ટીમ સ્થળ પહોંચી

મેવાસા ગામ પાસે સર્જાયોલા આ ભટનાક અકસ્માતને પગલે અહી લોકોનું ટોળુ એકઠું થઈ ગયું હતું. અને આ ઘટના અંગે પોલીસ અને 108ને કોલ કર્યો હતો. ઘટનાની જાણ થતા પોલીસ અને 108ની ટીમ સ્થળ પર આવી પહોંચી હતી અને બચાવ કામગીરી શરુ કરી હતી. અને આ ઘટનામાં હજુ મૃત્યુઆંકમાં વધારો થવાની આશંકા વ્યક્ત કરવામાં આવી રહી છે.

મુખ્યમંત્રી ભુપેન્દ્ર પટેલે કોરોનાને લઈને યોજી ઉચ્ચ સ્તરીય બેઠક

મુખ્યમંત્રી ભુપેન્દ્ર પટેલે રાજ્યમાં કોવિડ-19 ની સ્થિતિ અને તે સામે આરોગ્યતંત્રની સજ્જતાની સર્વગ્રાહી સમીક્ષા ગાંધીનગરમાં ઉચ્ચ સ્તરીય બેઠક યોજીને કરી હતી.રાજ્યભરમાં ટેસ્ટ -ટ્રેક- ટ્રીટમેન્ટના આધારે કોવિડના કેસો કે શંકાસ્પદ લક્ષણો ધરાવતા વ્યક્તિઓને વહેલા નિદાન અને સમયસર સારવારની વ્યવસ્થા આરોગ્ય વિભાગે ગોઠવી છે, તેની આ બેઠકમાં વિસ્તૃત સમીક્ષા કરવામાં આવી હતી. તદ્દ અનુસાર ,ગુજરાતમાં દરરોજ પ્રતિ મિલિયન268 ટેસ્ટિંગ કરવામાં આવે છે તેમજ કોવિડ -19 પોઝિટિવ દર્દીઓનું જીનોમ સિક્વન્સીંગ પણ કરાય છે. આ ઉચ્ચસ્તરીય બેઠકમાં મુખ્ય સચિવ  રાજકુમાર, મુખ્યમંત્રીના મુખ્ય અગ્ર સચિવ  કૈલાસ નાથન, વરીષ્ઠ સચિવો અને પ્રતિષ્ઠિત તજજ્ઞ ડોક્ટર્સ, સિવિલ હોસ્પિટલના અને આરોગ્ય વિભાગના અધિકારીઓ પણ જોડાયા હતા.

10અને 11એપ્રિલે મોક ડ્રીલ યોજાશે

આરોગ્ય મંત્રી ઋષિકેશ પટેલની ઉપસ્થિતિમાં યોજાયેલી આ સમીક્ષા બેઠકમાં જણાવવામાં આવ્યું કે, આગામી 10 અને 11 એપ્રિલના દિવસોએ રાજ્યની તમામ સરકારી અને ખાનગી હોસ્પિટલોમાં મોકડ્રીલ યોજવામાં આવશે.આ મોકડ્રીલ અંતર્ગત તમામ સાધન સામગ્રી, બેડ, ઓક્સિજન પ્લાન્ટ, વેન્ટિલેટર્સ, ફાયર સેફટી તેમજ દવાઓ , માનવ બલ વગેરે ની સજ્જતા ચકાસણી કરવામાં આવશે.

હોસ્પિટલાઈઝેશન 3% કરતાં પણ ઓછું

આરોગ્ય વિભાગના અધિક મુખ્ય સચિવ મનોજ અગ્રવાલે બેઠકમાં આરોગ્ય વિભાગની સઘન કામગીરીની વિગતો આપી હતી.તેમણે આ સંદર્ભમાં કહ્યું કે, રાજ્યમાં વહેલા નિદાન અને સારવારને પરિણામે હોસ્પિટલાઈઝેશન એટલે કે દાખલ કરવા પડે એવા દર્દીઓનું પ્રમાણ 3 % કરતાં ઓછું છે અને મૃત્યુદર પણ નહિવત છે.

ઉકાળા વિતરણ અને હોમિયોપેથી દવાનું વિતરણ

કોવિડ-19 કેસોનું દૈનિક ધોરણે એનાલિસિસ કરીને આરોગ્ય વિભાગ રોગ અટકાયતના પગલા પણ ત્વરાએ લે છે તેની આ બેઠકમાં વિગતો આપવામાં આવી હતી. મુખ્યમંત્રીની અધ્યક્ષતામાં યોજાયેલી આ સમીક્ષા બેઠકમાં આરોગ્ય મંત્રી ઋષિકેશ પટેલે હોસ્પિટલોમાં દવા વગેરેના પુરવઠાની પણ સમીક્ષા હાથ ધરી હતી.આયુર્વેદિક વિભાગ દ્વારા પણ ઉકાળા વિતરણ અને હોમિયોપેથી દવાનું વિતરણ રાજ્યમાં કરવામાં આવે છે તેમ આ સમીક્ષા બેઠકમાં જણાવવા માં આવ્યું હતું.

આ બાબતોનું ધ્યાન રાખવા સુચન

મુખ્યમંત્રી  ભુપેન્દ્ર પટેલે બેઠકમાં જણાવ્યું કે કોરોના સામે ગભરાટ કે ડર વિના સાવચેતી સલામતી રાખવા લોકોને કોરોના એપ્રોપ્રિએટ બીહેવીયર માટે જાગૃત કરવા જરૂરી છે.ઉંમરલાયક વ્યક્તિઓ અને દર્દીઓએ જાહેર ભીડભાળવાળી જગ્યાએ ન જવા અને માસ્ક પહેરવું ,ઉધરસ કે છીંક ખાતી વખતે મોં આગળ રૂમાલ રાખવો તેમજ વારંવાર હાથ ધોવા, સેનેટાઈઝરનો ઉપયોગ કરવો અને જાહેર સ્થળોએ થૂંકવું નહીં જેવી બાબતો અંગે લોકજાગૃતિ કેળવવા તેમણે બેઠકમાં માર્ગદર્શન આપ્યું હતું.

1...3,0053,0063,007...5,223Page 3,006 of 5,223