અમદાવાદ: દિલ્હી પબ્લિક સ્કૂલ બોપલ દ્વારા દેશના સમૃદ્ધ સાંસ્કૃતિક વારસા અને તેની પ્રતિભા દર્શાવતા વિદ્યાર્થીઓના અદભુત પર્ફોર્મન્સ સાથે ત્રણ દિવસીય એન્યુઅલ ફિએસ્ટા-ઉરુક્કાલી 2023-24ની ઉજવણી કરવામાં આવી હતી.

ધોરણ એકથી ત્રણના વિદ્યાર્થીઓ માટે એન્યુઅલ ડેની ઉજવણી સોમવારે “અરુણોદય – અવેકિંગ ધ સ્પિરિટ ઓફ ઇન્ડિયા” થીમ પર થઈ હતી. આ ઈવેન્ટમાં સૂર્યના તેજને શ્રદ્ધાંજલિ અર્પણ કરતાં આદિત્ય અભિનંદન કરવામાં આવ્યું હતું. સાંજે નૃત્યોના વિવિધ સ્વરૂપોથી માંડી સ્વાતંત્ર્ય સેનાનીઓ અને બહાદુર બાળકોને સન્માન આપતા પ્રોગ્રામ યોજાયા હતા. તેમાં ફૂડ એગ્રીગેટર્સની સફળતા અને ડિજિટલ પેમેન્ટ્સને બિરદાવતા, ભારતની સફળતા પર રમૂજ સાથે અનેરો ફેશન શો પણ યોજાયો હતો. જેણે ભારતમાં વિકાસની અમર્યાદિત તકોને પણ સ્પર્શી હતી આ પ્રસંગે જાણીતા અભિનેતા મકરંદ શુક્લા મુખ્ય મહેમાન રહ્યા હતા.

આ ઉજવણીને આગળ વધારતાં મંગળવારે ચોથાથી પાંચમા ધોરણના વિદ્યાર્થીઓ દ્વારા “કલર્સ ઓફ લાઈફ-એક જીવંત સફર” શીર્ષક હેઠળની થીમ સાથે જારી રહી હતી. તે અમન અને રૂપની થીમની આસપાસ રંગોની ઉત્પત્તિને સમજવાની જર્ની શરૂ કરે છે. સાંસ્કૃતિક કાર્યક્રમમાં ભાનુ સ્તુતિ, અનુપમ એથનિસિટી, એબસોલ્ટ આત્મા, ફેન્ટસી લેન્ડ, લિમિટલેસ સ્કાય, ખુશ્બૂ મિટ્ટી કી, પ્રકૃતિ કી પુકાર, હાર્મોનિયસ જર્ની અને યુફોરિયા જેવા મનમોહક પર્ફોર્મન્સ થયા હતા.

એન્યુઅલ ડેના ત્રીજા અને અંતિમ દિવસ બુધવારે “નવરસ-રાસ માધુર્ય” થીમ પર છઠ્ઠાથી બારમા ધોરણ સુધીનાં બાળકોએ સ્ટેજ પર રંગ જમાવ્યો હતો. ક્લાસિકલ ભારતીય ખ્યાલ માનવીના નવ મુખ્ય ભાવોમાંથી પ્રેરણા લઈ વિદ્યાર્થીઓએ નૃત્ય, નાટક અને વિઝ્યુઅલ આર્ટ દ્વારા પ્રેક્ષકોને મંત્રમુગ્ધ કર્યા હતા.

ડીપીએસ બોપલનાં પ્રિન્સિપાલ સબીના સાહનીએ જણાવ્યું હતું કે DPS બોપલ પ્રત્યેક કુશળતાનું મૂલ્યાંકન કરતો માહોલ આપવા માટે પ્રતિબદ્ધ છે. જે દરેક વિદ્યાર્થીઓના સપનાઓને સાકાર કરવા પ્રયત્નશીલ બની તેમને શ્રેષ્ઠ બનવા પ્રોત્સાહન પૂરું પાડે છે. DPS બોપલના ડિરેક્ટર સાહની, વંદના જોશી અને આદરણીય મહેમાનોએ વિદ્યાર્થીઓને શૈક્ષણિક અને સહ-શૈક્ષણિક ક્ષેત્રમાં શ્રેષ્ઠ પ્રદર્શન આપવા બદલ સન્માનિત કર્યા હતાં.