અમેરિકા: પ્રમુખ રાષ્ટ્રપતિ ડોનાલ્ડ ટ્રમ્પે સોમવારે (ત્રીજી માર્ચ) જાહેરાત કરી હતી કે મેક્સિકો અને કેનેડાથી થતી આયાત પર 25% ટેરિફ મંગળવાર (ચોથી માર્ચ)થી લાગુ કરાશે. આ ઉપરાંત તેમણે ચેતવણી આપી હતી કે આ દેશ પાસે હવે અમેરિકન વેપાર કાર્યવાહીથી બચવા માટે કોઈ રસ્તો બચ્યો નથી. તમને જણાવી દઈએ કે ફેબ્રુઆરીના પહેલા અઠવાડિયામાં ટ્રમ્પે કેનેડા અને મેક્સિકોથી આયાત પર 25 ટકા અને ચીનથી આવતા માલ પર 10 ટકા વધારાનો ટેરિફ લાદવાની જાહેરાત કરી હતી. જોકે, ટ્રમ્પે કેનેડા અને મેક્સિકોને રાહત આપતા 30 દિવસ માટે ટેરિફ બંધ કરી દીધા.
ટ્રમ્પના આ નિર્ણય બાદ અમેરિકન શેરબજારમાં ભારે ઘટાડો જોવા મળ્યો. મેક્સિકો અને કેનેડામાં પણ બજારો સુસ્ત દેખાયા. જોકે, કેનેડાના અર્થશાસ્ત્રીઓ અને લોકોએ ટ્રમ્પના નિર્ણય પર નારાજગી વ્યક્ત કરી છે અને તેને ગાંડપણ ગણાવ્યું છે.
ટ્રમ્પે ફેબ્રુઆરીમાં કહ્યું હતું કે, ‘મેક્સિકો અને કેનેડાથી આપણા દેશમાં ડ્રગ્સ હજુ પણ ખૂબ ઊંચા અને અસ્વીકાર્ય સ્તરે આવી રહ્યું છે.’ આ દવાઓનો મોટો હિસ્સો, જેમાંથી મોટાભાગની ફેન્ટાનાઇલના રૂપમાં છે, તે ચીનમાં બને છે અને ચીન દ્વારા સપ્લાય કરવામાં આવે છે.
સત્તામાં આવ્યા પછી, યુએસ રાષ્ટ્રપતિ ડોનાલ્ડ ટ્રમ્પ વારંવાર કેનેડાને અમેરિકામાં સમાવવાની વાત કરી રહ્યા છે. તેમણે પ્રસ્તાવ મૂક્યો છે કે કેનેડા અમેરિકાનું 51મું રાજ્ય બને અને ટ્રુડોને ‘ગવર્નર’ પણ કહ્યા. ટ્રમ્પ કેનેડા પર પણ 25% ટેરિફ લાદવા જઈ રહ્યા છે.
