ગાંધીનગર: બજેટ સત્રનો પ્રારંભ થઈ ચૂક્યો છે ત્યારે ગુરુવારે નાણામંત્રી કનુભાઈ પટેલ બજેટ રજૂ કરવાના છે. એક અંદાજ અનુસાર વર્ષ કરતાં વર્ષ 2025-26નું બજેટ 10 ટકા વધુ રહેશે. આ વર્ષે રૂ.3.72 લાખ કરોડનું બજેટ રજૂ થાય તેવો અંદાજ સેવાઈ રહ્યો છે.
આજે વિધાનસભામાં પ્રશ્નોતરી પછી બજેટ રજૂ થશે. ગત વખતે ગુજરાતનું 3.32 લાખ કરોડનું બજેટ રજૂ કરાયુ હતું. આ વખતે બજેટની રકમમાં વધારો થઇ શકે છે. બજેટમાં નવી યોજનાઓ જ નહીં, નવી જાહેરાતો થઈ શકે છે. સ્ટેમ્પ ડ્યુટીમાં છૂટછાટ અથવા તો હાલ જે સરકારી યોજનાથી લોકોને ફાયદો પહોંચ્યો છે, તેમાં નાણાંકીય વધારો થશે તેવી પણ આશા છે.
આ ઉપરાંત જે નગર પાલિકાઓને મહાનગરપાલિકાનો દરજ્જો આપવામાં આવ્યો છે તે રૂપાંતરિત મહાનગરપાલિકા માટે પણ નવી યોજના અને વધુ નાણાકીય જોગવાઈ જાહેર થાય તેવી શક્યતા છે. કેન્દ્ર સરકારની જેમ ગુજરાત સરકાર પણ રાજ્યની જનતાને ફાયદો કરાશે કે કેમ તે અંગે લોકોની બજેટ પર નજર મંડાઇ છે.
