અમદાવાદ: સાયન્સ સિટી ખાતે 15 મે થી 31 મે 2025 દરમિયાન “સમર સાયન્સ એનરિચમેન્ટ પ્રોગ્રામ – 2025”નું આયોજન કરવામાં આવ્યું હતું. આ કાર્યક્રમ માટે કુલ 650 બેઠકોની સામે 1500થી વધુ વિદ્યાર્થીઓએ ઓનલાઇન નોંધણી કરાવી. જેમાંથી 700 વિદ્યાર્થીઓએ કાર્યક્રમમાં ભાગ લીધો. 
બ્લોક કોડિંગ, રોબોટિક્સ, IoT, મોબાઈલ એપ ડેવલપમેન્ટ, 3D મોડેલિંગ, ઓરિગામી, ભૌતિકશાસ્ત્ર, કેમિસ્ટ્રી, ઈલેક્ટ્રોનિક્સ ડિઝાઇન, હોમ ઓટોમેશન, ટેલિસ્કોપ મેકિંગ, ડ્રોન અને એરોડાયનામિક્સ, મોડેલ રોકેટ્રી અને ક્રિએટિવ ટોય મેકિંગ જેવી અનેક પ્રવૃત્તિઓ યોજાઈ.
દરેક વિદ્યાર્થીઓને પ્રમાણપત્ર આપવામાં આવ્યા અને સાયન્સ સિટીની દરેક ગેલેરીની મુલાકાત કરાવવામાં આવી, આ સાથે કાર્યક્રમનો ઉત્સાહભર્યો સમાપન થયો.
