નવી દિલ્હીઃ દક્ષિણ આફ્રિકા સામેની ટીમ ઇન્ડિયાની બીજી ટેસ્ટ કેપટાઉનના ન્યુલેન્ડ્સ ગ્રાઉન્ડમાં આજથી શરૂ થઈ હતી. સાઉથ આફ્રિકાએ ટોસ જીતીને બેટિંગ પસંદ કરી હતી, પણ ભારતે કાતિલ બોલિંગ કરીને યજમાન ટીમને માત્ર 55 રનમાં સમેટી દીધી હતી. દક્ષિણ આફ્રિકાની પહેલી ઇનિંગ્સ લંચ પહેલાં 23.2 ઓવરમાં માત્ર 55 રનમાં સમેટાઇ હતી, જે ભારતની સામે કોઈ પણ ટીમનો ટેસ્ટમાં સૌથી નીચો સ્કોર છે. આ પહેલાં ન્યૂઝીલેન્ડનો 62 રન હતો.
ભારતના ઝડપી બોલર મોહમ્મદ સિરાજે આ ટેસ્ટમાં છ વિકેટ લીધી હતી. તેણે નવ ઓવરમાં 15 રન આપીને છ વિકેટ લીધી હતી. જસપ્રીત બુસરાહ અને મુકેશકુમારે બે-બે વિકેટ લીધી હતી. દક્ષિણ આફ્રિકા માટે કાઇલ વેરિને સૌથી વધુ 15 રન કર્યા હતા. ડેવિડ બેડિંઘમે 12 રનનું યોગદાન કર્યું હતું. દક્ષિણ આફ્રિકાના આઠ બેટર 10નો આંકડો પાર નહોતા કરી શક્યા.
Innings Break!
A stupendous outing for our bowlers in the first innings as South Africa are all out for 55 runs in the first session of the 2nd Test.
This is the lowest Test score by an opposition against India.
Scorecard – https://t.co/j9tTnGLuBP #SAvIND pic.twitter.com/86iHajl5Yu
— BCCI (@BCCI) January 3, 2024
બીજી ટેસ્ટ માટે બન્ને ટીમો આ પ્રમાણે છે
ભારત : રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકિપર), રવિન્દ્ર જાડેજા, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, મુકેશ કુમાર.
સાઉથ આફ્રિકા: ટોની ડી જોર્જી, ડીન એલ્ગર (કેપ્ટન), એડન માર્કરામ, ટ્રિસ્ટન સ્ટ્રબ્સ, કાયલ વેરેન (વિકેટકિપર), માર્કો જેન્સેન, ડેવિડ બેડિંગહામ, કેશવ મહારાજ, નાન્દ્રે બર્ગર, કાગિસો રબાડા, લુંગી એનગિડી.
