નવી દિલ્હીઃ ડાબોડી બેટર શિખર ધવન મોંઘી કાર ચલાવવાનો શોખીન છે. એની પાસે બે લક્ઝરિયસ કાર છે. હવે એણે એક વધુ મોંઘી કાર ખરીદી છે – લેન્ડ રેન્જ રોવર ઓટોબાયોગ્રાફી. એણે પોતાના ઈન્સ્ટાગ્રામ પર તેની આ નવી કાર સાથેની એક રીલ શેર કરી છે. ધવન પાસે મર્સિડીઝ-બેન્ઝ જીએલ-ક્લાસ કાર અને એક બીએમડબલ્યુ M8 જેવી બે લક્ઝરિયસ કાર છે, જે એણે 2021માં ખરીદી હતી.
રૂ. ચાર કરોડની કિંમતની રેન્જ રોવર ઓટોબાયોગ્રાફી સેલિબ્રિટી વ્યક્તિઓ બહુ પસંદ કરે છે. રેન્જ રોવરની અગાઉની કારની સરખામણીમાં આ નવી મોડેલની ડિઝાઈન અને ફીચર્સ ઘણા સરસ છે. નવી કારના હેડલેમ્પ્સમાં ઈન્ટીગ્રેટેડ LED DRL અને LED લાઈટ્સ પ્રોજેક્ટર છે. નવી સ્પોર્ટ્સ યુટિલિટી વેહિકલ કારનું ઈન્ટીરિયર પણ ઘણું સુધારિત છે. કારમાં મેરીડિયન 35-સ્પીકર ઓડિયો સિસ્ટમ છે. તદુપરાંત ડિજિટલ ઈન્ફોટેનમેન્ટ સિસ્ટમ છે, જેમાં 13.1 ઈંચનો સ્ક્રીન છે.
