મુંબઈઃ કોરોના વાઈરસ રોગચાળો ફેલાતા આખું વિશ્વ હાલ સ્થગિત થઈ ગયું છે ત્યારે આ કપરાં સમયમાં ગરીબ અને જરૂરિયાતમંદ લોકોને મદદરૂપ થવા માટે રમતવીરો આગળ આવ્યાં છે અને એમનાથી બનતું દાન આપી રહ્યા છે. ભારતના ભૂતપૂર્વ ઓલરાઉન્ડર યુવરાજ સિંહે જરૂરિયાતમંદોને મદદરૂપ થવા માટે પાકિસ્તાનના ભૂતપૂર્વ કેપ્ટન શાહિદ આફરિદી સાથે હાથ મિલાવ્યા છે.
યુવરાજ સિંહે આફરિદી અને એની બિનસરકારી સંસ્થા આફરિદી ફાઉન્ડેશનને ટેકો જાહેર કર્યો છે. યુવરાજે ટ્વીટ કરીને લખ્યું છે કે, હાલના કટોકટીભર્યા સમયમાં કમનસીબ લોકોને મદદરૂપ થવા માટે ભેગા થવાની જરૂર છે. ચાલો આપણે પણ થોડીક મદદ કરીએ. હું શાહિદ આફરિદી અને એની સંસ્થા શાહિદ આફરિદી ફાઉન્ડેશને કોવિડ-19 સામેની લડાઈમાં આદરેલી ઉમદા પહેલને મારો ટેકો જાહેર કરું છું. પ્લીઝ donatekarona.com પર દાન આપજો.
આ જ રીતે ભૂતપૂર્વ ઓફ્ફ સ્પિનર હરભજન સિંહે પણ આફરિદીની પહેલની પ્રશંસા કરી છે. એણે ટ્વીટ કરીને લખ્યું છે કે માનવતા માટે શાહિદ આફરિદીનું આ મહાન કાર્ય છે. ભગવાનના આપણા સૌની ઉપર આશીર્વાદ રહે, વિશ્વનું કલ્યાણ થાય એવી પ્રાર્થના કરું છું.
શાહિદ આફરિદીએ પણ પોતાને ટેકો આપવા બદલ યુવરાજ સિંહ અને હરભજન સિંહનો આભાર માન્યો છે. આફરિદીની સંસ્થા પાકિસ્તાનમાં આ રોગચાળાને કારણે સૌથી ખરાબ અસરગ્રસ્ત વિસ્તારોમાં ખોરાક, જંતુનાશક દવાઓ તથા અન્ય આવશ્યક ચીજવસ્તુઓ પૂરા પાડી રહી છે.
યુવરાજ સિંહે એક વિડિયો સોશિયલ મિડિયા પર રિલીઝ કરીને જણાવ્યું છે કે આ સમયમાં સાથે રહેવું બહુ જ મહત્ત્વનું છે.
શાહિદ આફરિદીને ટેકો આપવા બદલ જોકે યુવરાજ અને હરભજન ઉપર ભારતમાં અનેક લોકો નારાજ થયા છે. ઘણા નેટયુઝર્સે સોશિયલ મિડિયા પર આ બંને ક્રિકેટરની ટીકા કરતા સંદેશા પોસ્ટ કર્યા છે.
Thank you for all you support-both yourself & my brother @harbhajan_singh are huge pillars of support; this bond we have shows love & peace transgresses borders when it comes to humanity especially. Best wishes to you with your noble endeavours with @YOUWECAN #DonateKaroNa https://t.co/IVhqywdl3q
— Shahid Afridi (@SAfridiOfficial) March 31, 2020
These are testing times, it’s time to lookout for each other specially the ones who are lesser fortunate. Lets do our bit, I am supporting @SAfridiOfficial & @SAFoundationN in this noble initiative of covid19. Pls donate on https://t.co/yHtpolQbMx #StayHome @harbhajan_singh pic.twitter.com/HfKPABZ6Wh
— yuvraj singh (@YUVSTRONG12) March 31, 2020
The world is passing through extremely testing and unprecedented times.Let’s do our bit to help @SAfridiOfficial @SAFoundationN doing gr8 work plz join hands with them nd contribute what ever u can https://t.co/t9OvfEPp79 for covid19 @wasimakramlive @YUVSTRONG12 @shoaib100mph pic.twitter.com/sB2fxCAQqY
— Harbhajan Turbanator (@harbhajan_singh) March 29, 2020
