પેલેટ ગનના પીડિતને લઈને પોલીસ સ્ટેશન પહોંચ્યા રાહુલ ગાંધી

નવી દિલ્હી: કોંગ્રેસ નેતા રાહુલ ગાંધી શુક્રવારે સવારે અચાનક દિલ્હી સ્થિત સંસદ માર્ગ પોલીસ સ્ટેશન પહોંચ્યા હતા. તેમની સાથે દિલ્હીના જંતર-મંતર ખાતે વિદ્યાર્થી આંદોલન દરમિયાન પેલેટ ગનથી ઘાયલ થયેલા સાહિલ લોચા પણ હતા. રાહુલ ગાંધી કથિત રીતે પેલેટ ગન ચલાવવામાં સામેલ પોલીસ કર્મચારીઓ વિરુદ્ધ ફરિયાદ નોંધાવવા માટે ત્યાં પહોંચ્યા હતા. રાહુલ ગાંધીની નજીકનાં સૂત્રોનું કહેવું છે કે પોલીસ સાહિલની FIR નોંધતી નથી. આવી સ્થિતિમાં રાહુલ ગાંધી પોતે સાહિલને સાથે લઈને પોલીસ સ્ટેશન પહોંચ્યા છે.

રાહુલ ગાંધીએ કાર્યવાહી અંગે અપડેટ લીધી

તેમણે અહીં પોલીસ સ્ટેશનમાં પેલેટ ગનના મામલે અત્યાર સુધીમાં શું કાર્યવાહી કરવામાં આવી છે તેની માહિતી મેળવી હતી. રાહુલ ગાંધીનાં સૂત્રોના જણાવ્યાનુસાર પોલીસ તરફથી અત્યાર સુધી આ મામલે FIR નોંધવામાં આવી નથી. આ મામલે તેઓ પ્રેસ કોન્ફરન્સ પણ કરી શકે છે. આ મામલો દિલ્હીના જંતર-મંતર ખાતે થયેલા પ્રદર્શન દરમિયાન પેલેટ ગનના કથિત ઉપયોગ સાથે સંબંધિત છે. આ ઘટનામાં 19 વર્ષીય સાહિલ લોચા ઘાયલ થયા હતા. આવી સ્થિતિમાં કોંગ્રેસ નેતા રાહુલ ગાંધી આ મામલે સંપૂર્ણપણે સક્રિય જોવા મળી રહ્યા છે. રાહુલ ગાંધીએ કહ્યું છે કે જ્યાં સુધી FIR નોંધવામાં નહીં આવે ત્યાં સુધી અમે અહીં જ રહીશું.

CRPFની તપાસમાં RAF જવાને સાત રાઉન્ડ ફાયર કર્યા 

અહેવાલ અનુસાર કેન્દ્રીય રિઝર્વ પોલીસ દળ (CRPF)ને તપાસ દરમિયાન જાણવા મળ્યું છે કે કનોટ પ્લેસમાં તૈનાત રેપિડ એક્શન ફોર્સ (RAF)ના એક જવાને પેલેટ ગનથી સાત રાઉન્ડ ફાયર કર્યા હતા. આ જવાને 20 જુલાઈએ CJP દ્વારા યોજાયેલા સંસદ માર્ચ દરમિયાન ફાયરિંગ કર્યું હતું. તેમાંથી પાંચ રાઉન્ડ પ્રદર્શનકારીઓને વાગ્યા હતા, જ્યારે બે રાઉન્ડ જમીન પર છોડવામાં આવ્યા હતા. CRPFએ RAF જવાનોની લોગ એન્ટ્રીની પણ તપાસ કરી છે.

CRPF દ્વારા તપાસ કરવામાં આવી રહી હતી કે સંસદ માર્ચ દરમિયાન RAFના કર્મચારીઓએ પેલેટ ગનનો ઉપયોગ કર્યો હતો કે નહીં. પેલેટના છરા વાગવાથી ત્રણ લોકો ઘાયલ થયા હતા. તેમાં ગુડગાંવમાં કામ કરતા 25 વર્ષીય ઈરશાદ શેખ, દિલ્હી યુનિવર્સિટીના 19 વર્ષીય વિદ્યાર્થી સાહિલ લોહચબ અને ‘આઉટલુક’ મેગેઝિનનો એક પત્રકાર સામેલ છે.

RELATED ARTICLESMORE FROM AUTHOR