મુંબઈઃ અહીં જોગેશ્વરી (વેસ્ટ) ઉપનગરમાં ઓશિવરા વિસ્તારમાં આવેલા હીરા-પન્ના શોપિંગ મોલમાં આજે બપોરે 3.10 વાગ્યે મોટી આગ લાગી હતી. એ વખતે કેટલાક લોકો મોલમાં સપડાઈ ગયા હતા. પરંતુ સદ્દભાગ્યે કોઈ જાનહાનિ થઈ નથી કે કોઈને ઈજા પણ થઈ નથી. આ મોલની નજીકમાં જ ઓશિવરા પોલીસ સ્ટેશન આવેલું છે.
આગની જાણ થતાં તરત જ અગ્નિશામક દળના જવાનો 12 ફાયર એન્જિન્સ, એમ્બ્યુલન્સ સાથે ત્યાં પહોંચી ગયા હતા. પોલીસો પણ પહોંચી ગયા હતા અને મકાનને ખાલી કરાવ્યું હતું. ફાયર બ્રિગેડ વિભાગે આગને લેવલ-2 તરીકે જાહેર કરી હતી.
