મહારાષ્ટ્રમાં મિનરલ વોટર નિર્માણ ઉદ્યોગનો આવશ્યક સેવાઓમાં સમાવેશ

મુંબઈઃ મિનરલ વોટર કે બોટલ્ડ વોટરનું નિર્માણ કરતા ઉદ્યોગનો સમાવેશ આવશ્યક સેવાઓમાં કરવામાં આવ્યો છે.

કોરોના-લોકડાઉન દરમિયાન સંકટમાં આવી ગયેલા આ ઉદ્યોગને ફરી પગભર કરવા માટે સરકારે ઋણ કે અન્ય પ્રકારનો બોજો નાખવાનું ટાળ્યું છે અને વીજપૂરવઠા માટે સવલતની જાહેરાત પણ કરી છે.

મહારાષ્ટ્રના ઉદ્યોગ પ્રધાન સુભાષ દેસાઈએ ઝૂમ એપ માધ્યમ દ્વારા મહારાષ્ટ્ર બોટલ્ડ વોટર મેન્યૂફેક્ચરર્સ એસોસિએશન સાથે સંવાદ કર્યો હતો. આ ચર્ચાનું આયોજન ગઈ કાલે કરવામાં આવ્યું હતું. એમાં થયેલી ચર્ચાની જાણકારી એસોસિએશનના પ્રમુખ વિજયસિંહ ડુબલે પત્રકારોને આપી હતી.

મહારાષ્ટ્રમાં બોટલ્ડ વોટર નિર્માણના હજારો કારખાના છે, પરંતુ કોરોના વાઈરસ ફેલાતા સરકારના આદેશને પગલે આ તમામ કારખાના સ્થગિત કરી દેવા પડ્યા છે. પરંતુ લોકડાઉન-4માં આ ઉદ્યોગોને પહેલાની જેવી ઉત્પાદન પરવાનગી આપવામાં આવે એવી ફેક્ટરી માલિકોએ ઝૂમ એપ મારફત ઉદ્યોગ પ્રધાન દેસાઈને વિનંતી કરી હતી.

એસોસિએશનમાં 270 સભ્યો છે.

મહારાષ્ટ્રના ઉદ્યોગ પ્રધાન સુભાષ દેસાઈ

આ ઉદ્યોગોને દર વર્ષે BIS સર્ટિફિકેટ મેળવવા માટે રૂ. 1.25 લાખની રકમ ભરવી પડે છે. આ રકમમાં ઘટાડો કરવામાં આવે, વીજ પૂરવઠા દરોમાં સવલત આપવામાં આવે એવી વિનંતી ઉદ્યોજકોએ દેસાઈને કરી હતી. આ બાબતમાં પોતે કેન્દ્ર સરકાર સમક્ષ રજૂઆત કરશે એમ સુભાષ દેસાઈએ એમને જણાવ્યું.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]