બોલીવૂડમાં સુહાના ખાનની ‘એન્ટ્રી’ની ગણાતી ઘડીઓ?

નવી દિલ્હીઃ બોલીવૂડ સુપરસ્ટાર શાહરુખ ખાનની ખૂબસૂરત પુત્રી સુહાના ખાને ડાન્સનો નવો પ્રકાર – બેલી ડાન્સિંગ શીખવાની શરૂઆત કરી દીધી છે. સુહાના આજકાલ ઓનલાઇન બેલી ડાન્સ શીખી રહી છે. તેની ટ્રેનર સંજના મુથરેજા કે જે આંતરરાષ્ટ્રીય બેલી ડાન્સર અને તાહિતિયન ઇન્સ્ટ્રક્ટર છે, તેણે ઇન્સ્ટાગ્રામ પર લોકડાઉન પહેલાં અને પછી સુહાના સાથેનાં ફોટોગ્રાફ્સ શેર કર્યા છે. સુહાના લોકડાઉન દરમ્યાન વર્ચ્યુઅલ બેલી ડાન્સિંગની પ્રેક્ટિસ કરી રહી છે.

સુહાનાનાં અનેક ફેન્સ તેના માટે ‘ક્રેઝી’

સુહાના ખાને ભલે અત્યાર સુધી બોલીવૂડમાં ડેબ્યુ નથી કર્યું, પરંતુ તેનાં પ્રશંસકો ઘણાં છે અને સુહાના વિશે જાણકારી મેળવવા તેઓ ઘણો રસ લે છે. સોશિયલ મિડિયા પ્લેટફોર્મ પર સુહાનાનાં અનેક ફેન પેજીસ છે, જે તેના માટે ક્રેઝી છે. શાહરુખ ખાન અને ગૌરી ખાનની લાડલી દીકરીએ ગયા વર્ષે ન્યુ યોર્ક યુનિવર્સિટીમાં એક્ટિંગનો અભ્યાસક્રમ કર્યો હતો. તેણે ઇંગ્લેન્ડની આર્ડિંગ્લી કોલેજમાંથી ગેજ્યુએશન પૂરું કર્યું છે.

સુહાનાએ અનેક નાટકોમાં અને એક શોર્ટ મૂવીમાં પણ અભિનય કર્યો છે

બોલીવૂડમાં સુહાનાની એન્ટ્રી થવા વિશે અનેક અટકળો ચાલતી રહી છે અને હવે તે જ્યારે એક્ટિંગનો કોર્સ કરી રહી છે ત્યારે એવું લાગે છે કે તે બહુ જલદી રૂપેરી પડદા પર જોવા મળશે. જોકે તેણ અત્યાર સુધીમાં અનેક નાટકોમાં અને એક શોર્ટ મૂવીમાં પણ અભિનય કર્યો છે.

ગૌરી ખાને તેના ઇન્સ્ટાગ્રામ પર સુહાના ખાનના ફોટો શેર કર્યા

થોડા દિવસ પહેલાં ગૌરી ખાને તેના ઇન્સ્ટાગ્રામ પર સુહાના ખાનના ફોટો શેર કર્યા હતા. સુહાના ખાન આ ફોટામાં ઘણી સુંદર દેખાઈ રહી છે. શાહરુખ ખાનની દીકરીએ ફોટો શેર કરતાં લખ્યું હતું કે એક્સપેરિમેન્ટ કરી રહી છું. ત્યારે ગૌરી ખાને તેની દીકરીનો ફોટો શેર કરવાની સાથે જણાવ્યું હતું કે ઘરમાં રહીને તે મેકઅપ ટિપ્સ શીખી રહી છે. સુહાના ખાનના આ ફોટો પર તેના ફેન્સે ઘણી પ્રતિક્રિયા પણ આપી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]