મુંબઈઃ અખબારી અહેવાલો અનુસાર, મુંબઈ મહાનગરપાલિકાના સૂત્રોના જણાવ્યાનુસાર, બોલીવુડ અભિનેત્રીઓ કરીના કપૂર-ખાન અને અમ્રિતા અરોરાને કોરોનાવાઈરસ બીમારીનો ચેપ લાગુ પડ્યો છે. આ બંને સહેલીઓ સુપર સ્પ્રેડર બની શકે છે, કારણ કે તેમણે હાલમાં જ એક બોલીવુડ પાર્ટીમાં હાજરી આપી હતી.
અહેવાલ અનુસાર, કરીના અને અમ્રિતાએ કોરોના-નિયંત્રણોનું ઉલ્લંઘન કર્યું હતું અને ઘણી પાર્ટીઓમાં હાજરી આપી હતી. મહાનગરપાલિકાએ આદેશ આપ્યો છે કે છેલ્લા એક અઠવાડિયામાં આ બંને અભિનેત્રીનાં સંપર્કમાં આવેલા લોકોએ RC-PCR ટેસ્ટ કરાવવી.
