લંડનઃ બ્રિટિશ સરકાર પાંચ વર્ષ એટલે કે 2035ની સાલ સુધી નવી પેટ્રોલ અને ડિઝલ કારના વેચાણ પર પ્રતિબંધ મૂકવા વિચારતી હોવા વિશેના અહેવાલોને બ્રિટનની લક્ઝરી કાર ઉત્પાદક કંપની જગુઆર લેન્ડ રોવરે આવકાર આપ્યો છે.
ટાટા મોટર્સની માલિકીની કંપની જગુઆર લેન્ડ રોવરના એક પ્રવક્તાએ કહ્યું છે કે, અમારી યોજનાઓ તો વ્યવસ્થિત રીતે આગળ ચાલી રહી છે અને પેટ્રોલ, ડિઝલથી ચલિત મોટરકારોના વેચાણ પર પ્રતિબંધના કાયદાની નિશ્ચિતતાને અમે આવકાર આપીએ છીએ.
