અમેરિકા: ડોનાલ્ડ ટ્રમ્પે અમેરિકન કંપનીઓને નિર્દેશ કર્યો છે કે, તે લોકલ યુનિવર્સિટીમાંથી ગોલ્ડ કાર્ડ નાગરિકતા સાથે ભારતીય ગ્રેજ્યુએટ્સને નોકરી પર રાખે. તેમણે કહ્યું કે, પહેલાં અમેરિકન કંપનીઓને ભારતીય વિદ્યાર્થીઓને કામ પર રાખવા માટે મુશ્કેલી થતી હતી. જેથી તેઓ ભારત પરત ફરી જતાં, ત્યાં કંપની ખોલે અને પછી અબજોપતિ બની જાય. બાદમાં ત્યાં હજારો લોકોને રોજગાર આપે છે.
અમેરિકામાં શિક્ષણ મેળવી ભારત જઈ અબજોતિ બની જાય છે
ડોનાલ્ડ ટ્રમ્પે કહ્યું કે, અમેરરિકામાં ભારત, ચીન, જાપાન અને અલગ-અલગ જગ્યાએથી લોકો આવે છે. તે હાર્વર્ડ અથવા વ્હાર્ટન સ્કૂલ ઑફ ફાઇનાન્સમાં અભ્યાસ કરે છે. તેમને નોકરી મળે છે, પરંતુ તેમને ખબર નથી હોતી કે, તે અમેરિકામાં રહી શકે છે કે નહીં? ઘણી કંપનીઓએ મને ફરિયાદ કરી હતી કે, તેઓ ભારતીય વિદ્યાર્થીઓને નોકરી પર રાખવા માટે અસમર્થ હોય છે અને બાદમાં તેઓ પોતાના દેશ જઈને મોટી કંપનીઓ ખોલીને અબજોપતિ બની જાય છે.
શું છે ગોલ્ડ કાર્ડ?
અમેરિકન પ્રમુખે ‘ગોલ્ડ કાર્ડ’ રૂપે એક નવી ઈમીગ્રેશન પહેલ શરૂ કરી છે, જેનાથી અમીર વિદેશી રોકાણકારો પાંચ મિલિયન અમેરિકન ડોલરની રકમથી અમેરિકાની નાગરિકતા ખરીદી શકે છે. મંગળવારે ઓવલ ઓફિસમાંથી જાહેર કરાયેલા આ પ્રસ્તાવને ગ્રીન કાર્ડના “પ્રીમિયમ વર્ઝન” તરીકે રજૂ કરવામાં આવી રહ્યો છે, જેનાથી લોન્ગ ટર્મ રેઝિડન્સીની સુવિધા મળશે.
