મુંબઈ: દિગ્દર્શક રોહિત શેટ્ટી ‘સિંઘમ’ શ્રેણીની નવી ફિલ્મ બનાવી રહ્યા છે – ‘સિંઘમ અગેન’. આ ફિલ્મના કલાકારોમાં ટાઈગર શ્રોફનો ઉમેરો કરવામાં આવ્યો છે. શેટ્ટીએ આની જાણકારી એમના ઈન્સ્ટાગ્રામ એકાઉન્ટ પર આપી છે. એમણે ટાઈગરને આવકારતાં લખ્યું છે, ‘મળો સ્પેશિયલ ટાસ્ક ફોર્સ ઓફિસર એસીપી સત્યાને… અમારી ટીમમાં સ્વાગત છે, ટાઈગર.’
આ લખાણ આપીને શેટ્ટીએ આ એક્શન-પેક્ડ ફિલ્મમાં ટાઈગરના લુકની તસવીર પણ શેર કરી છે. ‘સિંઘમ અગેન’માં અજય દેવગન, દીપિકા પદુકોણ, કરીના કપૂર-ખાન, અક્ષય કુમાર અને રણવીર સિંહ પણ ચમકશે.
