અમદાવાદ: ઉપેન્દ્ર ભટ્ટ લિખિત ‘હિન્દુ સક્સેસન એક્ટ” પુસ્તકનું વિમોચન મુખ્યમંત્રી ભૂપેન્દ્ર પટેલ દ્વારા કરવામાં આવ્યું. આ વિષય ખૂબ જ જટિલ અને આંટાઘૂટીવાળો છે. લેખકે આ પુસ્તકમાં ખૂબ જ સરળ/સચોટ ગુજરાતી ભાષામાં વેપારીઓને ખૂબ જ ફાયદો થાય તે રીતે વિષયની છણાવટ કરેલ છે. HUF ના ઇન્કમ ટેક્ષની આકારણી વિશે આજે પણ વેપારીઓને સમજવામાં તકલીફ પડતી હોય છે. આ પુસ્તક દ્વારા વેપારીઓની સમસ્યાનું નિવારણ થશે.
ડાયરેક્ટ ટેક્સ કમિટીના ચેરમેન જૈનિક વકીલ જણાવે છે કે GCCI દ્વારા નિયમિત રીતે ડાયરેક્ટ ટેક્સ અંગે સેમિનાર, બજેટ અંતર્ગત સૂચનો, બજેટ લેક્ચર, પુસ્તક પ્રકાશન, open house વગેરે અનેકવિધ કાર્યો વેપારીના હિતમાં થતા હોય છે. આ પુસ્તકના વિમોચન પ્રસંગે ચેમ્બરના પ્રમુખ સંદીપભાઈ એન્જિનિયર, લેખક ઉપેન્દ્ર ભટ્ટ તથા ડાયરેક્ટ ડાયરેક્ટ કમિટીના ચેરમેન જૈનિક વકીલ હાજર રહ્યા હતા.
