મુંબઈઃ અર્થતંત્ર અને બિટકોઇન ઈટીએફને લગતા પ્રોત્સાહક સમાચારને પગલે વૈશ્વિક સ્તરે ક્રિપ્ટોકરન્સી માર્કેટમાં સુધારો જોવા મળ્યો છે. શુક્રવારે માર્કેટના બેન્ચમાર્ક ઇન્ડેક્સ – IC15ના ઘટક કોઇનમાંથી લાઇટકોઇન 18.87 ટકાની વૃદ્ધિ સાથે સૌથી વધુ પ્રમાણમાં વધનારો કોઇન હતો. કાર્ડાનો અને સોલાનામાં 4થી 8 ટકાનો વધારો નોંધાયો હતો.
દરમિયાન, યુનાઇટેડ કિંગડમમાં કિંગ ચાર્લ્સની મંજૂરીને પગલે ફાઇનાન્શિયલ સર્વિસિસ એન્ડ માર્કેટ્સ બિલ નામનો ખરડો પસાર થયો છે. આ ખરડો કાયદો બનવાને લીધે હવે ત્યાં ક્રિપ્ટોકરન્સીને નિયમન હેઠળની નાણાકીય એસેટ ગણવામાં આવશે. બીજી બાજુ, કેનેડાના સંસદસભ્યોએ બ્લેકચેઇન ટેક્નોલોજી અને ક્રિપ્ટોકરન્સી અપનાવવાની ભલામણ કરી છે. એમણે રાષ્ટ્રીય બ્લોકચેઇન નીતિ ઘડવાનું સૂચન પણ કર્યું છે.
અગાઉ, ત્રણ વર્ષે લોન્ચ કરેલો વિશ્વનો સર્વપ્રથમ ક્રિપ્ટો ઇન્ડેક્સ – IC15 શુક્રવારે બપોરે ચાર વાગ્યે પૂરા થયેલા ચોવીસ કલાકમાં 0.44 ટકા (178 પોઇન્ટ) વધીને 40,554 પોઇન્ટ બંધ રહ્યો હતો. ઇન્ડેક્સ 40,376 ખૂલીને 40,944ની ઉપલી અને 40,050 પોઇન્ટની નીચલી સપાટીએ ગયો હતો.
