નવી દિલ્હીઃ પંજાબ, પશ્ચિમ બંગાળ, ગુજરાત અને કેરળની પાંચ વિધાનસભા બેઠકો પર શાંતિપૂર્ણ રીતે પેટાચૂંટણી યોજાઇ હતી. પાંચ બેઠકો પર થયેલા પેટાચૂંટણમાં એક મતદાન કેન્દ્ર સિવાય બાકીની તમામ જગ્યાએ વેબકાસ્ટિંગ કરવામાં આવ્યું હતું. સવારે આઠ વાગ્યેથી મતગણતરી જારી છે. મતગણતરી માટે ચૂંટણી પંચે કડક સુરક્ષા વ્યવસ્થા કરી છે.
ચૂંટણી પંચ અનુસાર લુધિયાના વ્સ્ટ સીટ પર આપ પાર્ટીના સંજીવ અરોડા આગળ ચાલી રહ્યા છે. ગુજરાતની વિસાવદર સીટ પર આપ ઉમેદવાર ગોપાલ ઇટાલિયા ભાજપના ઉમેદવાર કિરીટ પટેલથી આગળ ચાલી રહ્યા છે, જ્યારે કડીમાં ભાજપના ઉમેદવાર રાજેન્દ્ર છાબડા આગળ છે.
આ સિવાય કેરળના નીલાંબુરથી કોંગ્રેસી ઉમેદવાર આર્યદાન શૌકત આગળ ચાલી રહ્યા છે.આ સાથે પશ્ચિમ બંગાળમાં કાલીગંજ સીટ પર TMCના ઉમેદવાર અલીફા અહેમદ આગળ ચાલી રહ્યા છે.
આ ચાર રાજ્યોમાં ચૂંટણી પંચ દ્વારા કુલ 1,354 મતદાન કેન્દ્ર બનાવવામાં આવ્યા હતા, જેમાંથી 1,353 પર વેબકાસ્ટિંગ થઈ હતી.
વિસાવદર વિધાનસભા બેઠક (ગુજરાત)
ગુજરાતની વિસાવદર બેઠક ડિસેમ્બર 2023થી ખાલી છે. અહીંના પૂર્વ આમ આદમી પાર્ટી (AAP)ના ધારાસભ્ય ભૂપેન્દ્ર ભયાણીએ રાજીનામું આપીને સત્તાધારી ભાજપમાં જોડાયા હતા. ત્યાર બાદ ભાજપે અહીંથી કિરીટ પટેલને, કોંગ્રેસે નીતિન રણપરિયાને અને આમ આદમી પાર્ટી તરફથી પાર્ટી પ્રમુખ ગોપાલ ઇટાલિયાને મેદાને ઉતાર્યા છે.
કડી વિધાનસભા બેઠક (ગુજરાત)
આ બેઠક અનામત (SC) છે. અહીંના ભાજપ ધારાસભ્ય કરસન સોલંકીના અવસાન પછી બેઠક ખાલી થઈ હતી. અહીં ભાજપ તરફથી રાજેન્દ્ર ચાવડા, કોંગ્રેસ તરફથી પૂર્વ ધારાસભ્ય રમેશ ચાવડા ચૂંટણી લડી રહ્યા છે.
