નવી દિલ્હી: અસના વાવાઝોડાની અસર મધ્ય પ્રદેશમાં જોવા મળી શકે છે. હવામાન વિભાગ (IMD)એ મધ્ય પ્રદેશ સહિત ઘણાં રાજ્યોમાં ભારે વરસાદનું એલર્ટ જાહેર કર્યું છે. મધ્ય પ્રદેશમાં ચોમાસું ફરી એકવાર સક્રિય થયું છે અને અનેક જિલ્લાઓમાં ભારે વરસાદની આગાહી કરી છે. પરિસ્થિતિને કાબૂમાં લેવા વહીવટીતંત્ર પણ સતર્ક થઈ ગયું છે.
Depression over East Vidarbha and adj Telangana moved WNW and weakened into WML over central parts of Vidarbha and neighbourhood at 1730 IST of 2 Sept, 2024. Likely to move nearly NW across Vidarbha and adjoining west MP and weaken into a low pressure area during next 24 hrs pic.twitter.com/qD7hKBn5we
— India Meteorological Department (@Indiametdept) September 2, 2024
અસના વાવાઝોડું પૂર્વ વિદર્ભ અને તેલંગાણા તરફ આગળ વધ્યું અને બીજી સપ્ટેમ્બરે સાંજે 5:30 વાગ્યે વિદર્ભ અને તેની નજીકના મધ્ય ભાગો પર નબળું પડ્યું. હાલમાં આ વાવાઝોડું વિદર્ભ અને પશ્ચિમ મધ્ય પ્રદેશ તરફ આગળ વધે તેવી શક્યતા છે. ત્યારબાદ તે સંપૂર્ણપણે નબળુ પડી શકે છે.
હવામાન વિભાગની આગાહી અનુસાર, મધ્ય પ્રદેશના હરદા, બેતુલ, દેવાસ, ખરગોન અને બુરહાનપુરમાં ભારેથી અતિભારે વરસાદની આશંકા છે. ભોપાલમાં પાંચમી સપ્ટેમ્બર સુધી ભારે વરસાદ પડી શકે છે. ઈન્દોર, રતલામ, શાજાપુર, ઉજ્જૈન, ખંડવા, રાયસેન, ધાર, સિહોર સહિત 22 જિલ્લામાં ભારે વરસાદ થઈ શકે છે. રીવા, સતના, જબલપુર, ગ્વાલિયર, સાગર, દમોહ અને શહડોલ સહિત 28 જિલ્લાઓમાં હળવાથી મધ્યમ વરસાદની આગાહી કરવામાં આવી છે.
હવામાન વિભાગ (IMD)એ મધ્ય પ્રદેશ સહિત ઘણાં રાજ્યોમાં ભારે વરસાદનું એલર્ટ જાહેર કર્યું છે. મધ્ય પ્રદેશમાં ચોમાસું ફરી એકવાર સક્રિય થયું છે અને અનેક જિલ્લાઓમાં ભારે વરસાદની આગાહી કરી છે. પરિસ્થિતિને કાબૂમાં લેવા વહીવટીતંત્ર પણ સતર્ક થઈ ગયું છે.
