અમદાવાદ: શનિવારે “એએમએના (અટીરા કેમ્પસ) ફાઉન્ડેશન ડેના સેલિબ્રેશન”ના કાર્યક્રમનું આયોજન કરવામાં આવ્યું છે. આ કાર્યક્રમ ઓગસ્ટ ૩૧, ૨૦૨૪ના રોજ સાંજે ૬:૦૦થી ૮:૦૦ વાગ્યા સુધી યોજાવાનો છે. એ.એમ.એ. મેનેજમેન્ટ કોમ્પ્લેક્સના સ્થાપનાની ગૌરવપૂર્ણ ક્ષણોની યાદમાં અને સ્વ. યુ. એન. મહેતાના ઉદાર યોગદાન માટે સન્માનિત કરવા માટે એએમએ દ્રારા આ કાર્યક્રમનું આયોજન કરવામાં આવ્યું છે. ટોરેન્ટ પાવર લિ.ના ડાયરેક્ટર વરુણ મહેતા મુખ્ય અતિથિ તરીકે સમારોહમાં જોડાશે. આ પ્રસંગે ટોરેન્ટ ગ્રૂપના સ્થાપક અને ચેરમેન સ્વ. યુ.એન. મહેતાના જીવન અને વારસાને દર્શાવતા ડોક્યુડ્રામાને દર્શાવવામાં આવશે. આ ફિલ્મ તેમની નોંધપાત્ર સફર અને ઉદ્યોગો પર કાયમી અસરની પ્રેરણાદાયી ઝલક આપે છે.
આ કાર્યક્રમ ઓપન ફોર ઓલ છે. તેમાં જોડાવા દરેક વ્યક્તિને આમંત્રણ આપવામાં આવ્યુંછે. વધુ વિગતો માટે તેમે એ.એમ.એની વેબસાઇટ www.amaindia.orgની મુલાકાત લઈ શકો છો.
