બોલિવૂડના દિગ્ગજ ગાયક સોનુ નિગમ આજકાલ મુશ્કેલીઓમાં ઘેરાયેલા છે. કન્નડ ભાષા અને સંસ્કૃતિનું અપમાન કરવાનો આરોપ લગાવીને બેંગલુરુમાં તેમની વિરુદ્ધ FIR દાખલ કરવામાં આવી છે. સોનુ સૂદ પર આરોપ છે કે તેણે તાજેતરના બેંગલુરુ કોન્સર્ટ દરમિયાન એક યુવકની કન્નડ ગીત ગાવાની માંગને ધમકી ગણાવી હતી અને તેને પહેલગામ હુમલા સાથે જોડી હતી. આ મામલે સોનુ નિગમ વિરુદ્ધ એફઆઈઆર દાખલ કરવામાં આવી છે. હવે આ FIR પર સોનુ નિગમ દ્વારા સત્તાવાર નિવેદન જારી કરવામાં આવ્યું છે. જેમાં તેમણે દરેક ભાષા અને સંસ્કૃતિનું સન્માન કરવાની વાત કરી છે.
સોનુ નિગમે જારી કરેલા નિવેદનમાં કહેવામાં આવ્યું છે કે,“મેં ભાષા, સંસ્કૃતિ, સંગીત, સંગીતકારો, રાજ્ય અને લોકોને અભૂતપૂર્વ પ્રેમ આપ્યો છે. હકીકતમાં, મેં હિન્દી સહિત અન્ય ભાષાઓના ગીતો કરતાં મારા કન્નડ ગીતોને વધુ માન આપ્યું છે. મારી પાસે એક કલાકથી વધુ કન્નડ ગીતો છે, જે મેં કર્ણાટકમાં યોજાયેલા દરેક કોન્સર્ટ માટે પણ તૈયાર કર્યા છે. જોકે, હું કોઈ જુવાન છોકરો નથી કે અપમાન સહન કરું. હું 51 વર્ષનો છું, મારા જીવનના બીજા ભાગમાં છું અને મને ખરાબ લાગવાનો સંપૂર્ણ અધિકાર છે કે મારા પુત્ર જેવો નાનો વ્યક્તિ હજારો લોકોની સામે ભાષાના નામે મને સીધી ધમકી આપી રહ્યો છે. તે પણ કન્નડમાં, જે મારા કામની દ્રષ્ટિએ મારી બીજી ભાષા છે. તે પણ કોન્સર્ટમાં મારા પહેલા ગીત પછી.”
સોનુ નિગમે પોતાના નિવેદનમાં આ ઘટનાનો ઉલ્લેખ કરતા કહ્યું, “તેના પોતાના લોકો પણ તે માણસના કૃત્યોથી શરમાઈ ગયા હતા અને તેને ચૂપ રહેવા માટે કહી રહ્યા હતા. મેં તેને ખૂબ જ નમ્રતા અને પ્રેમથી કહ્યું કે શો હમણાં જ શરૂ થયો છે, આ મારું પહેલું ગીત છે અને હું તેમને નિરાશ નહીં કરું. પરંતુ તે હંગામો મચાવવા અને મને ભયંકર ધમકી આપવા માટે તૈયાર હતો. તમે મને કહો કે આમાં કોણ દોષિત છે?
સ્પષ્ટતા આપતાં ગાયકે ઉમેર્યુ કે,”દેશભક્ત હોવાને કારણે, હું એવા બધા લોકોને નફરત કરું છું જેઓ ભાષા, જાતિ અથવા ધર્મના નામે નફરત ફેલાવવાનો પ્રયાસ કરે છે, ખાસ કરીને પહેલગામમાં જે બન્યું તે પછી. મારે તેમને સમજાવવું પડ્યું અને મેં તેમ કર્યું. હજારો વિદ્યાર્થીઓ અને શિક્ષકોએ તેના માટે મારું સ્વાગત કર્યું. મામલો સમાપ્ત થઈ ગયો અને મેં એક કલાકથી વધુ સમય સુધી કન્નડ ગાયું. તે બધું સોશિયલ મીડિયા પર છે.”
સોનુ નિગમે વધુમાં કહ્યું, “હું કર્ણાટકના લોકો પર છોડી દઉં છું કે તેઓ અહીં નક્કી કરે કોણ દોષિત છે. હું તમારા નિર્ણયને શાંતિથી સ્વીકારવા તૈયાર છું. હું કર્ણાટકની કાયદા એજન્સીઓ અને પોલીસનો સંપૂર્ણ આદર અને વિશ્વાસ કરું છું. મારી પાસેથી જે પણ મદદ માંગવામાં આવશે તે પૂરી પાડવા માટે હું તૈયાર છું.”
શું હતો મામલો?
આ ઘટના બેંગલુરુમાં ઈસ્ટ પોઈન્ટ કોલેજ ઓફ એન્જિનિયરિંગ એન્ડ ટેકનોલોજીમાં સોનુ નિગમના કોન્સર્ટ દરમિયાન બની હતી. સોનુના યુવકે કન્નડ ગીત ગાવાની તેની માંગને ધમકીઓ અને પહેલગામ સાથે જોડી દીધા બાદ કન્નડ સમુદાય ગુસ્સે ભરાયો. કન્નડ તરફી સંગઠનોએ તેમની વિરુદ્ધ પોલીસ ફરિયાદ નોંધાવી તેને તેમની ભાષા અને સંસ્કૃતિનું અપમાન ગણાવ્યું. આ પછી શનિવારે બેંગલુરુના અવલાહલ્લી પોલીસ સ્ટેશનમાં તેમની વિરુદ્ધ FIR નોંધવામાં આવી હતી.
