ઓસ્ટ્રેલિયા વર્લ્ડ કપ-203 ચેમ્પિયન

ફાસ્ટ બોલર પેટ કમિન્સના નેતૃત્ત્વ હેઠળની ઓસ્ટ્રેલિયન ટીમે 19 નવેમ્બર, રવિવારે અમદાવાદના નરેન્દ્ર મોદી સ્ટેડિયમમાં આઈસીસી મેન્સ ODI વર્લ્ડ કપ-2023 સ્પર્ધાની ફાઈનલમાં ભારતને 6-વિકેટથી હરાવીને ટ્રોફી જીતી લીધી. કમિન્સે વિજેતા ટ્રોફી ભારતના વડા પ્રધાન નરેન્દ્ર મોદી અને ખાસ આમંત્રિત ઓસ્ટ્રેલિયન નાયબ વડા પ્રધાન રિચર્ડ માર્લેસના હસ્તે સ્વીકારી હતી.

કમિન્સે ટોસ જીતીને ભારતને પહેલા બેટિંગ કરવાનું આમંત્રણ આપ્યું હતું. ભારતનો બેટિંગ દેખાવ નિરાશાજનક રહ્યો હતો. ટીમ 50 ઓવરમાં 240 રનમાં ઓલઆઉટ થઈ ગઈ હતી. તેના જવાબમાં ઓસ્ટ્રેલિયાએ 43 ઓવરમાં 4 વિકેટના ભોગે 241 રન કરીને મેચ જીતી લીધી હતી. 120 બોલમાં 15 ચોગ્ગા અને ચાર છગ્ગા સાથે 137 રન કરનાર ઓપનર ટ્રેવિસ હેડને ‘પ્લેયર ઓફ ધ મેચ’ ઘોષિત કરાયો હતો. ‘પ્લેયર ઓફ ધ ટુર્નામેન્ટ’ એવોર્ડ વિરાટ કોહલીએ જીત્યો હતો.