વરસાદ હોય તો શું થયું, મુંબઈ ઈન્ડિયન્સના ખેલાડીઓની નેટ પ્રેક્ટિસ ચાલુ છે…
આ વખતની ઈન્ડિયન પ્રીમિયર લીગ ક્રિકેટ સ્પર્ધા, જે 13મી આઈપીએલ અથવા આઈપીએલ-2020 છે, એ ભારતમાં નહીં, પણ સંયુક્ત આરબ અમિરાત (યૂએઈ)માં રમાવાની છે. આઠેય ટીમના ખેલાડીઓ યૂએઈમાં ભેગા થશે અને અબુધાબી, દુબઈ, શારજાહમાં 20-20 ફોર્મેટની મેચો રમશે. સ્પર્ધાનો આરંભ 19 સપ્ટેંબરથી થશે અને 10 નવેંબરે ફાઈનલ મેચ રમાશે. આઠમાંની એક ટીમ, મુંબઈ ઈન્ડિયન્સના ખેલાડીઓ હાલ મુંબઈની પડોશના થાણે જિલ્લાના નવી મુંબઈ શહેરના ઘણસૌલી ઉપનગરના MIDC ઈન્ડસ્ટ્રિયલ એરિયામાં આવેલા રિલાયન્સ કોર્પોરેટ પાર્કમાં નેટ પ્રેક્ટિસ કરી રહ્યા છે. હાલ મુંબઈમાં વરસાદની મોસમ છે એટલે ક્રિકેટની પ્રેક્ટિસ સંભવ જ ન હોય, પણ રિલાયન્સ કોર્પોરેટ પાર્કમાં જુઓ ખેલાડીઓની પ્રેક્ટિસ માટે કેવી વ્યવસ્થા કરવામાં આવી છે. રિલાયન્સ ઈન્ડસ્ટ્રીઝ લિમિટેડની માલિકીની મુંબઈ ઈન્ડિયન્સ ટીમ અત્યાર સુધીમાં 4 વખત આઈપીએલ સ્પર્ધામાં વિજેતા બની ચૂકી છે. (તસવીર સૌજન્યઃ mumbaiindians.com)
